Вы тут

У Мінску прайшоў першы ў свеце кіберспартыўны чэмпіянат па СS:GО


Прызавы фонд у крыптавалюце склаў у эквіваленце 100 000 долараў.

У турніры прынялі ўдзел каманды з Германіі, Швецыі, Турцыі, Балгарыі, Сербіі, Польшчы і Беларусі. Да фіналу дайшлі каманда АGО (Польшча), якая ў чвэрцьфінале выбіла з барацьбы беларускую дружыну GооdJоb, і Sрасе Sоldіеrs (Турцыя). Перамогу святкавалі палякі, менавіта ім і дасталіся 50 тысяч долараў крыптавалюты ў эквіваленце, туркі забралі 30 тысяч долараў, а GОDSЕNT (Швецыя) і BІG (Германія) атрымалі па 10 тысяч долараў адпаведна.


«Гэты турнір унікальны ў сусветным маштабе. У Мінск прыехалі досыць моцныя каманды, і гэта першае спаборніцтва такога ўзроўню з прызавым фондам у 100 тысяч долараў у крыптавалюце, — адзначае Ігнат Бабровіч, сузаснавальнік кіберспартыўнай кампаніі TwоgNаtіоn, якая займалася арганізацыяй чэмпіянату. — Ды і сама блокчэйн-платформа Рlау2Lіvе, праз якую ішла трансляцыя турніру, дазваляе зарабляць токены не толькі гульцам, але і гледачам стрымаў. Нам было важна даць магчымасць як мага больш шырокаму колу людзей убачыць турнір на роднай мове, таму мы працавалі напрамую з 16 групамі касцераў. Рэдкія турніры арганізоўваюць трансляцыі на такой колькасці моў. Кіберспорт і блокчэйн — прадвеснікі будучыні, і мы ўпэўненыя, што падобных турніраў у хуткім часе будзе нашмат больш. Мне таксама прыемна, што першы такі буйны турнір прайшоў менавіта ў Беларусі, дзе ўжо легалізавалі крыптавалюты і разумеюць усе перспектывы тэхналогіі блокчэйн і магчымасці, якія яна адкрывае».

Адзначым, што трансляцыя чэмпіянату была арганізавана праз дэцэнтралізаваную стрымінгавую платформу Рlау2Lіvе сумесна з тэхналагічным партнёрам TwоgNаtіоn. Два дні чэмпіянату на 16 мовах паглядзелі 240 тысяч чалавек з усяго свету. Сам турнір ужывую наведала больш за 5 тысяч чалавек.

Дар'я Лабажэвіч

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.