Вы тут

Нашай краіне адвялі 68-е месца ў рэйтынгу ўспрымання карупцыі


Беларусь паднялася з 79-га на 68-е месца ў Індэксе ўспрымання карупцыі. З выніковымі 44 баламі краіна падзяліла пазіцыю з Ямайкай і Аманам. Пра гэта паведамляе міжнародны рух па супрацьдзеянні карупцыі Transparency Іnternatіonal.


Лідары і аўтсайдары індэкса апошнія некалькі гадоў застаюцца нязменныя: першыя месцы займаюць Новая Зеландыя (89 балаў), Данія (88 балаў), Фінляндыя, Нарвегія і Швейцарыя (па 85 балаў). Замыкаюць рэйтынг Самалі (9 балаў) і Паўднёвы Судан (12 балаў).

Суседнія з Беларуссю Расія і Украіна знаходзяцца сярод краін, якія размяшчаюцца на 130—135-м месцах. Польшча займае 36-е месца, Літва і Латвія — 39—40-е. Беларусь у 2016-м, напрыклад, займала 107-е месца.

Рэйтынг вымярае індэкс успрымання карупцыі ў дзяржаўным сектары 180 дзяржаў і ранжыруе ў балах па шкале ад 0 (сур'ёзна карумпаваная) да 100 (поўная адсутнасць карупцыі). Transparency складае свой індэкс, выкарыстоўваючы даследаванні, якія рэгулярна публікуюцца шэрагам міжнародных арганізацый — Сусветным банкам, Freedom House, фондам Bertelsmann і іншымі. Кожнае з гэтых даследаванняў аналізуе асобны аспект: інвестыцыйныя рызыкі, свабоду слова, узровень жыцця, складанасць вядзення бізнесу.

Вераніка ПУСТАВІТ

Загаловак у газеце: Амаль на 10 пазіцый лепш

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.