Цiкавасць людзей да сёлетнiх выбараў гаворыць пра неабыякавасць выбаршчыкаў i самiх кандыдатаў, жаданне ўдзельнiчаць у жыццi краiны. Пра гэта заявiў старшыня Савета Рэспублiкi Нацыянальнага сходу Мiхаiл МЯСНIКОВIЧ пасля таго, як прагаласаваў за абранага кандыдата ў Мiнгарсавет.
Спiкер пахвалiў за якасную падрыхтоўчую работу выбарчыя камiсii. «Калi людзi з натхненнем абмяркоўваюць выбары i iдуць аддаць свой голас — гэта кажа пра многае. Ды i кандыдатаў дастойных хапае. Ёсць з каго выбiраць. Пра сябе заявiлi людзi з пэўнай жыццёвай пазiцыяй, якiя ўсведамляюць сваю адказнасць i iдуць у дэпутаты, каб рэалiзаваць не толькi свае амбiцыi, але i патэнцыял», — лiчыць парламентарый.
Па яго словах, гэтыя людзi павiнны iмкнуцца працаваць на карысць насельнiцтва ў рамках сваёй выбарчай акругi, горада. «I я ўбачыў такiх сярод кандыдатаў — тых, хто сам хоча будаваць сваю краiну. Гэта трэба вiтаць i ўсяляк падтрымлiваць, каб спраўдзiлiся тыя чаканнi, з якiмi выбаршчыкi i кандыдаты iшлi на выбары», — падкрэслiў старшыня Савета Рэспублiкi.
Намеснiк старшынi Савета Рэспублiкi Нацыянальнага сходу, нацыянальны каардынатар па Мэтах устойлiвага развiцця Мар'яна Шчоткiна i першы намеснiк Генеральнага сакратара ААН Амiна Махамед наведалi Рэспублiканскi рэабiлiтацыйны цэнтр для дзяцей-iнвалiдаў.
Амiну Махамед азнаёмiлi з методыкамi работы з дзецьмi ў цэнтры, расказалi пра ўмовы знаходжання ў iм. Мар'яна Шчоткiна на прыкладзе ўстановы паказала, як пры ўзаемадзеяннi сiстэм аховы здароўя, адукацыi, прыватных партнёраў i валанцёраў арганiзавана комплексная паэтапная рэабiлiтацыя дзяцей.
У час размовы з дзецьмi Амiна Махамед падзялiлася ўражаннямi пра Беларусь, расказала пра сябе. «Я люблю сваю работу, таму што магу мець зносiны з рознымi людзьмi. У Беларусi вельмi шмат добрых людзей, i тут, у цэнтры — асаблiва. Мы ўсе служым чалавецтву. I гэта выдатна», — сказала яна. Дзецi падзялiлiся з госцяй сваiмi марамi i планамi. У адказ Амiна Махамед запрасiла iх прыехаць да яе ў госцi ў Нью-Ёрк.
У Магiлёве адбылося пасяджэнне Магiлёўскага гарадскога выканаўчага камiтэта. У яго рабоце прыняў удзел старшыня Пастаяннай камiсii Савета Рэспублiкi Нацыянальнага сходу па мiжнародных справах i нацыянальнай бяспецы Сяргей Рахманаў.
Падчас пасяджэння было разгледжана выкананне комплекснага плана мерапрыемстваў па супрацьдзеяннi незаконнаму абароту наркотыкаў, прафiлактыцы iх спажывання i сацыяльнай рэабiлiтацыi асоб, хворых на наркаманiю, на тэрыторыi Магiлёва на 2017—2018 гады, а таксама комплексу мер па вырашэннi сацыяльна значных праблем насельнiцтва, папярэджаннi абгрунтаваных зваротаў грамадзян.
У гэты ж дзень Сяргей Рахманаў правёў асабiсты прыём грамадзян, iх прадстаўнiкоў i прадстаўнiкоў юрыдычных асоб, а таксама прамую тэлефонную лiнiю. Грамадзянам, якiя звярнулiся, былi дадзены адпаведныя тлумачэннi па пытаннях узаемадзеяння з грамадскiмi аб'яднаннямi i партыямi, а таксама процiдзеяння незаконнаму абароту наркотыкаў у Беларусi.
Веранiка ПУСТАВIТ
Фота БЕЛТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.