Наведвальнікі выставы BRІDE Dubaі 2018 у Дубаі з'елі торт у выглядзе нявесты, які спякла дызайнер Дэбі Вінгхэм, паведамляе Oddіty Central.
Усё б нічога, але «торцік» уяўляў сабой скульптуру жанчыны ў вясельнай сукенцы вышынёй 180 сантыметраў і вагой каля 120 кілаграмаў. Для яго дастаўкі спатрэбіліся шэсць грузчыкаў. На выраб «нявесты» пайшло 25 кілаграмаў шакаладу, а сукенка зроблена з 50 кілаграмаў кандытарскай масцікі. Яго ўпрыгожвалі пяць тысяч масцічных кветак ручной работы і дзесяць тысяч ядомых жамчужын. Акрамя таго, у адзенні і галаўным уборы хаваліся пяць сапраўдных жамчужын, кошт кожнай з іх — 200 тысяч долараў. Цікава, іх таксама з'елі?
За сваю кар'еру Вінгхэм стварыла туфлі коштам 16 мільёнаў долараў, сукенку з дыяментамі коштам 4,8 мільёна і самы дарагі ў свеце вясельны торт, які абышоўся пакупніку ў 67 (!) мільёнаў долараў.
Іван КУПАРВАС
Мерапрыемства праводзіцца на добраахвотнай аснове.
Не выявіць ні секунды абыякавасці.
