Супрацоўнікамі ўпраўлення крымінальнага вышуку ГУУС Мінгарвыканкама сумесна з супрацоўнікамі аддзела крымінальнага вышуку Фрунзенскага РУУС г. Мінска пры сілавой падтрымцы байцоў АМАП ГУУС Мінгарвыканкама затрыманы трое мінчан, якія падазраюцца ў здзяйсненні крадзяжоў са сталічных гаражоў.
Іх затрымалі ў адным са здымных гаражоў на вуліцы Матусевіча. На той момант ў памяшканні знаходзіўся матацыкл, які быў выкрадзены ў лістападзе 2017 года, а таксама аўтамабіль, які належыць аднаму з падазраваных. Яны расказалі, што датычныя да здзяйснення крадзяжу ў лютым бягучага года аўтамашыны “Санг Йонг” і трох матацыклаў (“Ямаха”, “Хонда”, “Кавасакі”). Акрамя таго, супрацоўнікі міліцыі ўстанавілі, што яны таксама датычныя да больш чым трох дзесяткаў эпізодаў крадзяжоў маёмасці з гаражоў і аўтамабіляў. Здабычай зламыснікаў станавіліся не толькі аўтамотатранспарт, але і каштоўныя рэчы, якія знаходзіліся ў гаражы або аўтамабілі — матацыклетнае адзенне і абутак, экіпіроўка, рыбалоўныя прыналежнасці і іншае. Выкрадзеную маёмасць зламыснікі захоўвалі ў здымных гаражах у Мінску.
У ходзе іх агляду былі канфіскаваныя запчасткі ад аўтамотатранспарту, інструменты, бытавая тэхніка, горналыжныя прадметы і іншыя каштоўныя рэчы. Выкрадзеная аўтамашына была знойдзена аператыўнымі супрацоўнікамі ў пасёлку Ждановічы Мінскага раёна. Затрыманыя прызналіся, што матацыклы яны разбіралі на запчасткі, а затым прадавалі іх сваім знаёмым альбо прадаўцам аўтамабільных рынкаў. З іх слоў, машыну збіраліся таксама разабраць і прадаць па запчастках.
Усе трое затрыманых — мінчане, афіцыйна нідзе не працуюць. Самаму старэйшаму з іх 32 гады. Адзін з іх раней ужо прыцягваўся да крымінальнай адказнасці за крадзеж аўтамабіля.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».