Вы тут

У Магілёве на выбары заклікалі музыкай і смачнымі буфетамі


- Дэпутацкія паўнамоцтвы даюць дадатковыя магчымасці звяртацца ў органы выканаўчай улады, вырашаць з мясцовым насельніцтвам тыя праблемы і пытанні, якія іх турбуюць, - адзначыў падчас удзелу ў выбарах у мясцовыя Саветы дэпутатаў 28-га склікання ў Магілёве старшыня аблвыканкама Уладзімір Даманеўскі. Губернатар прыйшоў аддаць свой голас на участак №32, які размясціўся ў сярэдняй школе №12 па вуліцы Ніжняя Карабанаўская. На гэтым жа участку прагаласаваў і мэр Магілёва Уладзімір Цумараў.


З раніцы ў Магілёве панавала прыпаднятая атмасфера. З боку выбарчых участкаў неслася бадзёрая музыка, людзей там сустракалі ветлівымі ўсмешкамі, дзякавалі за неабыякавасць.  

Выбарчы участак №5 на вуліцы Курака адзін з вялікіх у горадзе, знаходзіцца амаль у цэнтры горада.  Тут галасуе болей 2, 5 тысяч выбаршчыкаў. З 13 па 17 лютага свой грамадзянскі доўг тут выканалі каля 30%.

 - На нашым участку 2 інтэрната, людзі на выхадныя з'язджаюць з горада, таму і галасуюць датэрмінова, - удакладніла старшыня выбарчай камісіі Людміла Елісеева.

 У дзень выбараў першы выбаршчык завітаў на участак ужо цераз 15 хвілін пасля таго, як толькі выбарчая камісія апячатала скрыні для галасавання - у 8.02. А потым народ пайшоў бесперапынна. З маленькімі дзецьмі, з дзядулямі, бабулямі, некаторыя цэлымі сем'ямі... У суседнім будынку з нагоды выбараў быў арганізаваны шыкоўны буфет з выпечкай і смачнымі шашлыкамі, была магчымасць пасядзець за столікамі.

 - Выбары праходзяць спакойна, нават святочна, - удакладніла старшыня. - Усё неабходнае для галасавання ёсць - лупы, ліхтарыкі. А празрыстыя урны былі ў нас яшчэ на папярэдніх выбарах, калі выбіралі Прэзідэнта. Усё , як бачыце, адкрыта і празрыста. Людзі ідуць з надзеяй, што народныя абраннікі дапамогуць навесці ў мікрараёне парадак з дзіцячымі пляцоўкамі, дарогамі, дварамі.

 Маргарыта Фальковіч прыйшла галасаваць разам з сынам студэнтам. Прызналася, што на дэпутатаў іх сям'я ўскладае вялікія надзеі.

- У гэтым раёне я жыву з 9 гадоў, тут жа на металургічным заводзе працавалі мае дзядулі і бабулі. Я асабіста аддала рабоце на гэтым прадпрыемстве 25 гадоў свайго жыцця. Вельмі люблю свой завод, свой раён і хочацца, каб ён стаў лепш. Бяда ўсяго нашага горада - дарогі, але ў нашым мікрараёне гэта наогул пакаранне. Хацелася б, каб лепей было з вулічным асвятленнем. Вядома, што дэпутаты не ўсё могуць, што грошай ў бюджэце не хапае, але вельмі спадзяемся, што на наш раён таксама звярнуць увагу. І з транспартам праблема, раней хадзілі аўтобусы, а зараз нічога няма. Гэта ж не нармальна. Ладна мы тут побач жывем, але ж людзі ездзяць на завод з усяго горада. Калі такое надвор'е, як зараз, снег, хлюпота, дарога адымае вельмі шмат часу.

- Усё арганізавана вельмі добра, выбары праходзяць спакойна, без парушэнняў. Уся ідзе ціха, мірна, законна, - даў адзнаку выбарчаму працэсу назіральнік ад грамадскага аб'яднання "Белая Русь" Андрэй Цупрыкаў. - Шмат моладзі, сямей з маленькімі дзецьмі. Людзі падыходзяць і да нас, задаюць пытанні, цікавяцца, дзе потым шукаць вынікі выбараў, як даведацца, што прайшоў менавіта іх кандыдат. А што іх шукаць? Мы ж ведаем, куды яны ўсе дэлегуюцца - у аблсавет дэпутатаў або гарсавет. Галоўнае, ведаць прозвішча кандыдата, каб потым высветліць, увайшоў ён у склад таго ці іншага  савета або не.

Нэлі ЗІГУЛЯ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».