Вы тут

Масленічныя гулянні разгорнуцца ў Гомелі на васьмі пляцоўках


Масленічныя гулянні ў Гомелі пройдуць 18 лютага на васьмі пляцоўках ва ўсіх раёнах абласнога цэнтра, паведамілі ў аддзеле ідэалагічнай работы, культуры і па справах моладзі гарвыканкама.


Фота: ivona.bigmir.net

Акрамя традыцыйных мерапрыемстваў, якія ўключаюць дэгустацыі, віктарыны, розыгрышы, народныя гульні і забавы, арганізатары падрыхтавалі новыя конкурсы і шоу, якія прыйдуцца па душы ўсім гасцям свята.

Так, на пляцоўцы каля Лядовага палаца можна будзе прадэгуставаць бліны падчас "Блінфэста", паглядзець прадстаўленне лялечнага тэатра "Батлейка", паўдзельнічаць у масленічныя квэсце, набыць сувеніры на кірмашы рамеснікаў.

У Савецкім раёне абласнога цэнтра каля палаца культуры "Фестывальны" разгорнецца малочна-масленічны кірмаш. Будуць працаваць гульнявыя пляцоўкі для дзяцей і дарослых. Напрыклад, можна будзе паспрабаваць свае сілы ў конкурсе па кіданні і паяданні бліноў. Выхаванцы ўстаноў адукацыі раёна правядуць флэшмоб "Танец з блінамі". Масленічныя гулянні на стадыёне "Лакаматыў" адкрые канцэртна-забаўляльная праграма творчых калектываў Гомельскага вагонабудаўнічага завода і філіяла "Гомельскія электрычныя сеткі" РУП "Гомельэнерга". У спартыўнай зале стадыёна пройдуць спаборніцтвы па міні-футболе.

У Чыгуначным раёне Гомеля будуць працаваць адразу чатыры пляцоўкі: у мікрараёне Касцюкоўка, каля Гомельскага дзяржаўнага медыцынскага ўніверсітэта па праспекце Касманаўтаў, каля Цэнтра інклюзіўнай культуры і палаца культуры "Гомсельмаш". Жыхароў Навабеліцкага раёна запрашаюць на свята, якое пройдзе ў зоне адпачынку Пруды. Для гасцей будуць арганізаваны спартыўныя спаборніцтвы і забавы. Скончацца святочныя гулянні традыцыйным спальваннем пудзіла Зімы.

На ўсіх пляцоўках будзе арганізавана работа выязнога гандлю і кропак грамадскага харчавання.

Традыцыйна ў святочных масленічных мерапрыемствах у Гомелі прымае ўдзел некалькі дзясяткаў тысяч чалавек.

БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.