На падазроныя «Жыгулі» з адной светлавой фарай інспектары ДАІ маёр міліцыі Станіслаў Рубанаў і лейтэнант міліцыі Артур Цярэшчанка звярнулі ўвагу яшчэ ў раёне гандлёвага цэнтра «Перекресток» на Пушкінскім праспекце. На патрабаванне супрацоўнікаў дарожнай інспекцыі спыніцца, кіроўца,наадварот, націснуў на газ. І пачалася пагоня. Уцякач не рэагаваў ні на гукавыя сігналы, ні на пробліскавыя маячкі. «Жыгулі» раз-пораз выязджалі на сустрэчку, пакуль не наехалі на бардзюр і не заглухлі. Кіроўца спрабаваў уцячы, але хутка яго затрымалі.
Як паведаміла інспектар аддзялення па агітацыі і прапагандзе ДАІ УУС Магілёўскага аблвыканкама Таццяна Старасотнікава, за рулём машыны знаходзіўся 17-гадовы магіляўчанін, які не меў правоў кіроўцы, а само аўто было скрадзенае. Пра гэта сведчылі правады, якія тарчалі з-пад руля, і зламаны замок. Хутка стала вядома, што парушальнік украў машыну разам з прыяцелем і што яны абодва ў вышуку. Аматараў злачынных прыгод чакае прадугледжанае законам пакаранне.
Нэлі ЗІГУЛЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
