Вы тут

Аўтобусы і тралейбусы будуць перамяшчацца хутчэй


Праблема грамадскага транспарту вельмі актуальная для любога мегаполіса. Вось і жыхарам Мінска часцяком прыходзіцца сутыкацца з такімі непрыемнасцямі, як заторы на дарогах і немагчымасць своечасова (асабліва раніцай ці ўвечары) даехаць да таго ці іншага месца. Але ў хуткім часе мінчане, магчыма, змогуць забыць пра цяжкасці перамяшчэння на грамадскім транспарце.


Сёлета ў Мінску плануецца абсталяваць 80 кіламетраў палос для перамяшчэння выключна грамадскага транспарту. Па спецыяльных выдзеленых палосах аўтобусы і тралейбусы будуць перамяшчацца хутчэй за асноўны транспартны паток.

На думку Валерыя Шкуратава, дырэктара ДУ «Сталічны транспарт і сувязь», гэта дазволіць не толькі павялічыць хуткасць руху аўтобусаў і тралейбусаў, перш за ўсё — у час пік, але і павысіць у цэлым прывабнасць грамадскага транспарту для гараджан.

— Удасканаленне работы пасажырскага транспарту забяспечыць рытмічнасць і надзейнасць перавозак жыхароў і гасцей горада. Цяпер рух у агульным патоку прыводзіць да парушэння хуткасных рэжымаў і, як вынік, выклікае адхіленне ў раскладзе да 40 хвілін. Напрыклад, фактычная хуткасць па будных днях у час пік на ўчастку ад прыпыначнага пункта «Чыгладзэ» да прыпыначнага пункта «Альшэўскага» складае каля 8 км/г (прыкладна на 51 % ніжэй эксплуатацыйнай хуткасці на іншых маршрутах), ад аўтавакзала «Цэнтральны» да плошчы Мяснікова — 10 км /г, — дадаў ён.

Рэалізаваць згаданы праект плануецца ў два этапы, пачынаючы з гэтага года. Старшыня Мінгарвыканкама Андрэй Шорац ужо даў адпаведнае даручэнне.

— Калі такім чынам транспартныя арганізацыі эканомяць значныя сродкі, трэба выканаць гэту справу як мага хутчэй, — заявіў ён.

У нашай краіне ўпершыню такую практыку пачалі выкарыстоўваць ў Гомелі. Але варта адзначыць, што ў Мінску таксама ўжо існуюць такія палосы для аўтобусаў і тралейбусаў на вуліцах Ташкенцкай, Маякоўскага, Старынаўскай, Куйбышава і праспектах Дзяржынскага, Пераможцаў і Незалежнасці. Іх даўжыня — 27 кіламетраў. Хуткасць руху ў сярэднім каля 18 км у гадзіну.

Абсталяваныя палосы для гарадскога транспарту будуць абазначаны дарожнымі знакамі і адпаведнай разметкай.

Анастасія ГРУК

Загаловак у газеце: Свабодны рух для аўтобусаў і тралейбусаў

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.