Вы тут

Аб’яднаныя адным інтарэсам


Паміж Міністэрствам інфармацыі Рэспублікі Беларусь і Саюзам пісьменнікаў Беларусі заключана пагадненне аб супрацоўніцтве. Дакумент мае на мэце ўзняць творчыя стасункі на новы ўзровень.


Міністэрства інфармацыі надзвычай зацікаўлена ў развіцці сучаснай беларускай літаратуры, кнігавыданні, чытацкіх інтарэсах да кнігі. З гэтых пазіцый сыходзіць і Саюз пісьменнікаў — творчая арганізацыя, якая аказвае шырокі ўплыў на духоўнае ўзбагачэнне грамадства, прапагандуе лепшыя нацыянальныя каштоўнасці. Пра плён сумеснай работы сведчаць мерапрыемствы высокага дзяржаўнага ўзроўню — Дзень беларускага пісьменства, мінскія міжнародныя кніжныя выстаўкі-кірмашы, а таксама сумесныя літаратурныя конкурсы, канферэнцыі і круглыя сталы.

Паводле слоў старшыні Саюза пісьменнікаў Беларусі Мікалая Чаргінца, у творчым арсенале пісьменніцкага згуртавання — прапановы, сугучныя патрабаванням сучаснага жыцця. Пісьменнікі шукаюць новыя шляхі больш уплывовага ўздзеяння на чытацкую аўдыторыю, будучы перакананымі ў тым, што кніга вытрымае ўсе выпрабаванні інфармацыйнай канкурэнцыі. Пры падтрымцы Міністэрства інфармацыі Саюз пісьменнікаў Беларусі мае намер правесці сёлета семінар з дырэктарамі кніжных крамаў сістэмы ААТ «Белкніга», прадстаўнікамі выдавецтваў.

З лютага мінулага года пісьменнікі актыўна праводзяць прэзентацыі сваіх выданняў у гандлёвых залах, прыцягваючы тым самым увагу да кніжных навінак. Падчас сустрэч заўважана, што літаратура айчынных аўтараў нярэдка займае месца на аддаленых паліцах, тым самым прайграе расійскім выданням. Размова пойдзе і пра запланаваны выдавецтвамі выхад кніг на гэты год — перспектыўнае папаўненне асартыменту. Такім чынам, партнёры па прасоўванні кнігі, работнікі кніжных крам стануць больш дасведчаныя ў развіцці сучаснага літаратурнага працэсу, будуць валодаць змястоўнай інфармацыяй пра кніжныя навінкі. А значыць, змогуць лепш сарыентаваць пакупніка ў выбары.

Цяпер СПБ далучаецца да ініцыятывы міністэрства — рэспубліканскай акцыі «Культурны маршрут “Мая Беларусь: сучасныя пісьменнікі — дзецям”» і рыхтуе вялікую праграму для ўдзелу ў ХХV Мінскай міжнароднай кніжнай выстаўцы-кірмашы.

Марыя ЛІПЕНЬ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.