XXV Міжнародная спецыялізаваная выстава "Ахова здароўя Беларусі" пройдзе з 27 па 30 сакавіка ў Мінску. Такая інфармацыя размешчана на сайце арганізатараў экспазіцыі.
Гэта галоўная выстава краіны ў галіне медыцыны і аховы здароўя. Больш за 20 гадоў яна прыцягвае вялікую колькасць удзельнікаў з Беларусі і замежжа, якія разглядаюць гэтую падзею як ключавую для дэманстрацыі новых дасягненняў і распрацовак, сустрэч з партнёрамі і патэнцыяльнымі кліентамі, зносін з лекарамі і адміністрацыямі медыцынскіх устаноў.
Тэматыка ўключае дэманстрацыю шырокага спектру прадукцыі - ад распрацовак фармпрамысловасці да прадметаў догляду і гігіены. Правядзенне выставы з'яўляецца немалаважнай часткай працэсу ўдасканалення айчыннай сістэмы аховы здароўя, якая дазваляе азнаёміць практычных спецыялістаў з дасягненнямі медыцынскай айчыннай і замежнай індустрыі, новымі метадамі дыягностыкі і лячэння захворванняў. Традыцыйна будзе арганізавана насычаная навуковая праграма: пройдуць падрыхтаваныя Міністэрствам аховы здароўя і ўдзельнікамі выставы навукова-практычныя семінары, канферэнцыі, прэзентацыі.
У 2017 годзе на выставе прадэманстравалі сваю прадукцыю і тэхналогіі больш за 200 экспанентаў з 14 краін. Сярод іх сусветныя лідары ў вытворчасці медыцынскай тэхнікі, вырабаў медпрызначэння, расходных матэрыялаў, стаматалагічнага абсталявання і фармацэўтычнай прадукцыі. Экспазіцыю наведалі больш за 10 тыс. спецыялістаў.
Арганізатарам юбілейнай выставы, якая будзе праходзіць па адрасе: просп.Пераможцаў, 20/2 (Футбольны манеж), выступае Міністэрства аховы здароўя сумесна з ЗАТ "Тэхніка і камунікацыі".
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
