Мерапрыемства адбылося ў выхадны дзень на базе Цэнтра павышэння кваліфікацыі кіруючых работнікаў і спецыялістаў Дэпартамента аховы МУС у пасёлку Гарані Мінскага раёна. Акрамя супрацоўнікаў міліцыі з сем'ямі на свяце прысутнічалі хлопчыкі і дзяўчынкі з Радашковіцкай школы-інтэрната, навучэнцы Спецыялізаванага ліцэя і члены грамадскага савета пры МУС.
На цырымоніі адкрыцця міністр унутраных спраў Ігар Шуневіч адзначыў, што не так часта вартавым парадку выпадае такая цудоўная магчымасць — актыўна адпачыць разам з роднымі і калегамі, з карысцю і вялікім задавальненнем правесці час. «Здаровы лад жыцця — сярод найважнейшых прыярытэтаў для Міністэрства ўнутраных спраў, таму ведамства заўсёды гатова на сваім прыкладзе паказваць суайчыннікам, наколькі важныя заняткі спортам і фізічнай культурай», — сказаў Ігар Шуневіч.
На свяце, нароўні з аматарамі, прысутнічалі і славутыя прафесійныя спартсмены: алімпійскія чэмпіёны па веславанні на байдарках і каноэ Аляксандр і Андрэй Багдановічы, а таксама Людміла Калінчык — майстар спорту міжнароднага класа па біятлоне і прызёр чэмпіянатаў свету. Яны прэзентавалі сімвалічны сувенір — мяккага белага тыгра па імені Сухаран, які быў абраны талісманам будучых Алімпійскіх гульняў у Пхёнчхане.
Галоўнай часткай сяброўскіх спаборніцтваў сталі лыжная эстафета, комплексная эстафета з сямі этапаў і перацягванне ліны. Усе ахвотныя маглі праявіць сябе ў конкурсах «Трапны стралок», «Сіламер», «Распілоўванне бярвёнаў». На свяце працавалі атракцыёны і страйкбольны цір, экспанавалася міліцэйская тэхніка, а самых маленькіх забаўлялі аніматары ў касцюмах казачных персанажаў і герояў мультфільмаў. Падсілкавацца можна было сытнай салдацкай кашай і пышнымі блінцамі, а гарачы чай выдатна дапамагаў не змерзнуць.
Дар'я КАСКО
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
