Вы тут

Напішы эсэ пра Беларусь і атрымай iPad mini!


Дыскусійна-аналітычная супольнасць «Ліберальны клуб» запрашае школьнікаў і студэнтаў да ўдзелу ў пятым штогадовым конкурсе эсэ «Беларускае Лега 2018: пабудуй краіну, у якой ты будзеш жыць!».


Для каго?

Да ўдзелу запрашаюцца школьнікі 10-11-х класаў, навучэнцы ССНУ, а таксама студэнты 1-3 курсаў ВНУ.

Што пісаць?

Агульная тэма конкурсу-2018 — «Глабалізацыя vs беларусізацыя: што выбірае беларуская моладзь?». Яна падзелена на дзесяць падтэмаў-пытанняў. Трэба выбраць адну і раскрыць яе ў эсэ аб'ёмам 1000-1500 слоў. Работы могуць быць напісаны на беларускай, рускай або англійскай мовах.

Пералік падтэм-пытанняў:

  • Глабалізацыя і беларусізацыя: супярэчлівыя або ўзаемадапаўняльныя з'явы?
  • Патрыятызм і касмапалітызм: цяжкі выбар або ілжывая дылема?
  • Coca-Cola або беларускі квас: што і чаму выбірае сучасная моладзь?
  • Якія рызыкі і магчымасці нясе глабалізацыя для Беларусі?
  • Як захаваць уласную ідэнтычнасць у глабалізаваным свеце?
  • Як вы разумееце брэнд «Беларусь»?
  • Што значыць жыць і працаваць па-беларуску?
  • Якая будучыня дзяржаў у глабалізаваным свеце?
  • Ці ёсць месца нацыянальным інтарэсам у глабалізаваным свеце?
  • У чым заключаюцца нацыянальныя інтарэсы Беларусі на міжнароднай арэне і ці адрозніваюцца яны ад нацыянальных інтарэсаў краін-суседзяў?

Які дэдлайн?

Эсэ неабходна даслаць да 23.00 28 лютага на электронную пошту liberalclub2008@gmail.com у фармаце дакумента Microsoft Word.

Прызы

30 аўтараў лепшых эсэ атрымаюць запрашэнне на трохдзённую адукацыйную школу ў Мінску, дзе ўсе збяруцца разам, каб паслухаць цікавых спікераў. Сярод выкладчыкаў школы — вядомыя ў Беларусі і за мяжой палітолагі, эканамісты, сацыёлагі, культуролагі, спецыялісты па міжнародных адносінах і праве.

Пераможцаў конкурсу вызначыць кампетэнтнае журы, у якое ўвойдуць вядомыя беларускія і замежныя навукоўцы і эксперты. Галоўны крытэр, па якім будуць вызначацца пераможцы, — арыгінальнасць і аналітычная глыбіня эсэ. Вынікі конкурсу будуць падведзены да 15 сакавіка.

Пераможцы атрымаюць тры прыза за трэцяе месца — навушнікі Sennheiser, два прызы за другое месца — электронныя кнігі Kindle і адзін галоўны прыз за першае месца — iPad mini. Арганізатары адзначаюць, што журы можа ўвесці на сваё меркаванне дадатковыя намінацыі і адзначыць больш прац.

— Конкурс праводзіцца пяты год, і кожны год мы здзіўляемся, якая таленавітая і смелая ў нас моладзь!  Некаторыя ідэі можна адразу ўвасабляць на практыцы. Нашы канкурсанты — гэта людзі, якія сапраўды любяць Беларусь, яны не будуць сядзець і чакаць, калі жыцце ў краіне стане мяняцца: яны гатовыя прыкладаць да гэтага намаганні, — расказвае Вікторыя Церашонак, спецыяліст па сувязях з грамадскасцю «Ліберальнага клуба».

Яна адзначае, што некаторыя ўдзельнікі дзякуючы конкурсу вызначаюцца са сваёй будучыняй: абіраюць прафесію і месца навучанння, пасля перамогі пачынаюць верыць у свае сілы.

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.