Вы тут

Тут рыхтуюць сапраўдных мужчын


У Магілёве далі старт рэспубліканскаму месячніку абаронна-патрыятычнай і спартыўнай работы ў гонар 100-гадовага юбілею Узброеных Сіл Беларусі.


У аўторак на пляцоўцы каля Магілёўскага абласнога кадэцкага вучылішча было асабліва шматлюдна. Перад уваходам у будынак і ў фае ўстановы дэманстраваліся апошнія дасягненні тэхнічнага майстэрства выхаванцаў і настаўнікаў магілёўскага савета ДТСААФ. Магілёў стаў стартавай пляцоўкай месячніка, падчас якога ва ўсіх абласцях і раёнах краіны адбудуцца аўтапрабегі па мясцінах баявой славы, тэматычныя вечары і ўрокі мужнасці, сустрэчы з ветэранамі і воінамі-інтэрнацыяналістамі. Дарэчы, 22 студзеня Магілёўскай абласной арганізацыйнай структуры ДТСААФ споўнілася 80 гадоў.

— Летась мы падрыхтавалі больш за 5 тысяч спецыялістаў для народнай гаспадаркі краіны, у тым ліку — 460 для Уброеных Сіл, — адзначыў яе старшыня Аляксандр Мазур. — Юнакі маюць магчымасць атрымаць у нас спецыяльнасці кіроўцы, у тым ліку кіроўцы-электрыка, і іншыя.

У вобласці функцыянуе больш за 200 пярвічак ДТСААФ, якія аб'ядноўваюць 13 670 чалавек. Працуе 76 секцый па спорце, дзе займаецца больш за 3 тысячы дзяцей і падлеткаў. Мотабол, джып-трыял, пейнтбол, лазертаг, страйкбол, картынг, мотакрос, радыётэлеграфія — у юнакоў ёсць рэальная магчымасць выпрабаваць сябе ў самых сучасных відах спорту, а заадно сур'ёзна падрыхтавацца да службы ў арміі.

У рамках адкрыцця месячніка адбылася ўрачыстая цырымонія ўручэння членскіх білетаў і значкоў новым членам абароннага Таварыства, а юныя выхаванцы абласнога кадэцкага вучылішча атрымалі пагоны. Шэрагу прадстаўнікоў дзяржустаноў і царквы былі ўручаны юбілейныя медалі. У гэты ж дзень каля помніка герою абароны Магілёва палкоўніку Сямёну Куцепаву адбыўся ўрачысты мітынг і былі ўскладзены кветкі.
Удзел у мерапрыемствах прыняў старшыня цэнтральнага савета ДТСААФ Іван Дырман.

Нэлі ЗІГУЛЯ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.