Вы тут

Больш за тысячу кіламетраў дарог пабудавалі ў Мінлясгасе


Будаўніцтва лесагаспадарчых дарог застаецца адной з галоўных задач у міністэрстве. Толькі летась у лясным фондзе былі пабудаваны і ўведзены ў эксплуатацыю 16 новых аб'ектаў працягласцю больш за сто кіламетраў.


Усяго ж з 2007 года ў лясным фондзе Мінлясгаса было ўведзена ў эксплуатацыю 1021,856 кіламетра лясных дарог, паведамілі ў прэс-службе ведамства. Будаўніцтва новых аб'ектаў дазваляе найперш павялічыць асваенне цяжкадаступнай разліковай лесасекі. Апроч таго, з іх дапамогай забяспечваецца своечасовае правядзенне лесааднаўленчых работ і мерапрыемстваў па барацьбе з хваробамі і шкоднікамі лесу, ліквідацыі лясных пажараў.

Работа па пашырэнні дарожнай сеткі ў сістэме Мінлясгаса будзе працягнута. Сёлета запланаваны ўвод 101,613 кіламетра, а ўсяго да канца пяцігодкі, згодна з зацверджанай праграмай «Беларускі лес», пачнуць эксплуатавацца 500 кіламетраў новых дарог.

У рамках выканання папярэдняй праграмы будаўніцтва лесагаспадарчых дарог на 2011—2015 гады ў сістэме Міністэрства лясной гаспадаркі пабудавана і ўведзена ў эксплуатацыю 570,1 кіламетра дарог. Гэта адбілася на аб'ёмах нарыхтоўкі драўніны: калі ў 2010 годзе ў краіне было нарыхтавана 15,5 мільёна кубаметраў, дык летась — ужо 22,5 мільёна кубаметраў.

Сяргей РАСОЛЬКА

Загаловак у газеце: Кіламетры «зялёных артэрый»

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.