Вы тут

Сусветны эканамічны форум адкрываецца ў Швейцарыі


Сусветны эканамічны форум (СЭФ) адкрываецца сёння ў швейцарскіх Альпах.


У гэтым годзе форум прыме рэкордную колькасць палітычных лідараў - прыедуць больш за 70 кіраўнікоў дзяржаў і ўрадаў. У праграме заяўлены прэзідэнты ЗША, Францыі, Бразіліі, Аргенціны, Туніса, Польшчы, Украіны. Адкрые работу форуму прэм'ер-міністр Індыі Нарэндра Модзі, які выступіць з праграмнай прамовай. У ёй, як чакаюць каментатары, кіраўнік урада прадставіць Індыю як інвестыцыйны напрамак, які можа канкурыраваць з Кітаем (Сі Цзіньпін адкрываў форум у мінулым годзе).

Дзелавую супольнасць будуць прадстаўляць больш за 1,9 тыс. вядучых бізнесменаў. У Давосе таксама чакаюць больш за 200 кіраўнікоў СМІ, паўсотні вядомых дзеячаў культуры і больш за 30 піянераў тэхналогій.

На форуме запланавана ўвогуле больш за 400 сесій, прысвечаных найбольш актуальным праблемам сучаснасці: ад эканомікі і бяспекі да экалогіі і найноўшых навуковых распрацовак. Адзначаецца, што форум пройдзе на фоне самага ўражальнага за апошнія дзесяць гадоў росту глабальнай эканомікі і такіх жа пазітыўных прагнозаў.

БЕЛТА

Выбар рэдакцыі

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.

Грамадства

Сістэма аплаты працы бюджэтнікаў стане прасцейшай

Сістэма аплаты працы бюджэтнікаў стане прасцейшай

Гэта прадугледжана Указам Прэзідэнта ад 18 студзеня 2019 года № 27 «Аб аплаце працы работнікаў бюджэтных арганізацый».