Камісіяй, створанай загадам Міністэрства транспарту і камунікацый, разгледжаны варыянты забеспячэння часовага руху транспарту і пешаходаў да моманту аднаўлення пашкоджанага моста цераз Прыпяць на аўтадарозе З-88 Жыткавічы — Давыд-Гарадок — граніца Украіны (Верхні Церабяжоў).
Як паведамілі ў міністэрстве, з улікам інтэнсіўнасці дарожнага руху і параўнання кошту варыянтаў прынята рашэнне арганізаваць часовы рух шляхам наладжвання паромнай пераправы, паколькі выдаткі на яе ўладкаванне ў разы меншыя за будаўніцтва аўтамабільнага моста.
Рух паромнай пераправы будзе пачаты ў сакавіку. Зараз праводзяцца работы па ўладкаванні пад'язной дарогі да месца паромнай пераправы і пачата пераабсталяванне несамаходных баржаў для выкарыстання ў якасці парома. Меркаваная ўмяшчальнасць апошняга будзе складаць да 30 аўтамабіляў. Таксама паром будзе перавозіць і грузавы транспарт. Да наладжвання паромнай пераправы перавозка насельніцтва будзе весціся катарамі.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
