На Фуцынскай АЭС пачалася ўстаноўка рэактара

"Хуалун-1" зманціруюць да канца студзеня.

Корпус высокага ціску ядзернага рэактара "Хуалун-1" быў дастаўлены з Даляня (правінцыя Ляанін, Паўночна-Усходні Кітай) у Фуцын (правінцыя Фуцзянь, Паўднёва-Усходні Кітай) і пачаў манціравацца на энергаблоку №5 Фуцынскай атамнай электрастанцыі, перадае “Жэньмінь жыбаа” анлайн”. 

Работы па ўстаноўцы плануецца завяршыць да канца студзеня. Корпус рэактара "Хуалун-1" мае зусім новую канструкцыю з 177 стрыжнямі. Тэрмін службы павялічаны з 40 да 60 гадоў, узровень сейсмаўстойлівасці - з 0,2 да 0,3 g. Істотна павышана бяспека.