Вы тут

«Фестываль навукі — 2018» пройдзе ў Мінску ў верасні


Маладзёжная ініцыятыва была падтрымана на Агульным сходзе Савета маладых вучоных НАН Беларусі. Плануецца, што «Фестываль навукі», у якім прымуць удзел школьнікі, студэнты, навуковыя супрацоўнікі, мінчане і госці сталіцы, пройдзе на базе Цэнтральнага батанічнага саду ў рамках святкавання Дня горада. На тэрыторыі саду разгорнуцца спецыяльныя зоны, дзе можна будзе праслухаць папулярныя лекцыі аб развіцці беларускай навукі, пазнаёміцца з апошнімі распрацоўкамі беларускіх вучоных, экспанатамі музея навукі, акунуцца ў атмасферу навуковых лабараторый.


— Мы ўскладаем на моладзь вялікія надзеі, таму падтрымка маладых вучоных — прыярытэт у дзейнасці Нацыянальнай акадэміі навук, — падкрэсліў у сваім выступленні на пасяджэнні Агульнага сходу Савета маладых вучоных старшыня Прэзідыума НАН Беларусі, акадэмік Уладзімір ГУСАКОЎ. — Сёння мы гатовыя разглядаць усе маладзёжныя ідэі, ініцыятывы і прапановы.

Кіраўніцтва Акадэміі навук прапанавала моладзі актыўна ўключыцца ў рэалізацыю самых значных праектаў НАН Беларусі па прыярытэтных кірунках развіцця навукі, сярод якіх умацаванне асноў беларускай дзяржаўнасці, фарміраванне ІT-краіны, распрацоўка айчыннага электрамабіля і назапашвальніка электраэнергіі, стварэнне новых кампазіцыйных матэрыялаў, нана- і біятэхналогіі, інавацыйныя тэхналогіі ў АПК, беспілотныя лятальныя апараты, новыя энергасістэмы ды іншыя.

Сёння ў арганізацыях НАН Беларусі працуюць больш за 2 тысячы 200 маладых навукоўцаў. Штогод шэрагі супрацоўнікаў Акадэміі навук папаўняюць 300—350 маладых даследчыкаў.

Надзея НІКАЛАЕВА

nіkalaeva@zvіazda.by

Загаловак у газеце: Навука — сярод кветак

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...