Паведамленне пра параненую птушку, якая мае патрэбу ў дапамозе, паступіла бярэзінскім ратавальнікам ранкам ад работнікаў інспекцыі аховы жывёльнага і расліннага свету.
У лядовай пастцы на тэрыторыі возера каля аграгарадка Паплавы знаходзіўся лебедзь са зламаным крылом. Зразумела, птушка лётаць не магла, а вось загінуць — лёгка. Сумеснымі намаганнямі работнікаў МНС і інспекцыі лебедзя выратавалі. Яго адправяць жыць і лячыцца ў таварыства «Ахова птушак бацькаўшчыны».
І гэта далёка не адзіны выпадак такой дапамогі людзей братам нашым меншым. Напрыклад, днямі ў сталіцы кот забіўся пад кіёск, а сталічныя ратавальнікі дапамаглі дастаць жывёлу і перадалі яе гаспадыні. Здарэнне адбылося ў Мінску ранкам каля прыпынку на вуліцы Матусевіча. Жанчына везла ката ў ветэрынарную клініку, а той спужаўся, уцёк і забіўся пад кіёск «Белсаюздруку». Гаспадыня выклікала МНС. Ратавальнікі пры дапамозе гідраўлічнага інструмента прыпаднялі кіёск, дасталі ката і перадалі жанчыне.
У Мінскім гарадскім упраўленні МНС нагадалі: падобныя выпадкі не ўваходзяць у кампетэнцыю ратавальнікаў, кожны такі званок разглядаецца індывідуальна. Аднак, зыходзячы з разумення гуманізму і калі ў гэты момант дапамога людзям не патрабуецца, ратавальнікі адгукаюцца на падобныя выпадкі. Нагадаем, нядаўна работнікі сталічнага ўпраўлення МНС таксама прыйшлі на дапамогу кату, лапа якога захрасла ў батарэі ацяплення. А пасля гэта выратавалі сабаку, які праваліўся пад лёд на вадаёме.
Сяргей РАСОЛЬКА
Фота МНС
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
