Паводле рэйтынгу, горш за ўсё наступнай пасля вечарынкі раніцай будзе тым, хто змешвае алкаголь з рознага роду газіроўкай. Навагодняя ноч ужо даўно прайшла, але ёсць і іншыя святы, на каторых таксама вельмі важна не перабіраць з алкаголем і ежай, інакш весялосць можа скончыцца сапраўднымі пакутамі. Інфармацыйны партал «Лайф» склаў рэйтынг алкагольных напояў, якія выклікаюць самае моцнае пахмелле.
Першае месца ў «пахмельным рэйтынгу» занялі кактэйлі з газіроўкай, таму што салодкі напой з бурбалкамі не толькі маскіруе спірт, але і выклікае смагу, з-за чаго такіх кактэйляў можна выпіць больш, чым трэба. Пры гэтым дыяксід вугляроду (бурбалкі), дзякуючы якому напой становіцца газаваным, дадаюць гарантыі наяўнасці пахмелля раніцой.
Другое месца адведзена салодкім кактэйлям з сокамі і сіропамі, пра іх можна паўтарыць усё сказанае вышэй, за выключэннем дыяксіду вугляроду.
На трэцім месцы — шампанскае і пеністыя віны. Прычына таму — усё тыя ж бурбалкі, з-за якіх спірт хутчэй трапляе ў кроў. Аднак напой у чыстым выглядзе менш небяспечны, чым усе варыянты кактэйляў на яго аснове.
На чацвёртае, пятае і шостае месцы змешчаныя адпаведна бурбон, брэндзі і віскі. Так, навукоўцы выявілі ў бурбоне ацэтон, ацэтальдэгід, дубільныя рэчывы, а таксама фурфурол. Адпаведнае даследаванне правялі спецыялісты з Універсітэта Браўна. Нявытрыманае брэндзі часцяком аказваецца няякасным. А пры павелічэнні тэрміну вытрымкі ў гэтым напоі павялічваецца таксама і канцэнтрацыя шкодных рэчываў. Да такой высновы прыйшлі спецыялісты нацыянальнага цэнтра Лондана.
Пры гэтым недахопы гэтых напояў з'яўляюцца следствам іх добрых якасцяў: адмысловы густ і колер, які так шануюць знаўцы, часцяком забяспечваецца павышанай колькасцю цяжкіх для печані інгрэдыентаў, а таксама ацэтону, ацэтальдэгіду, дубільных рэчываў і фурфуролу. Акрамя таго, іх часта падрабляюць.
На сёмым месцы размяшчаюцца самбука і абсэнт. Прыхільнікаў у іх мала, таму і ў рэйтынгу яны лічацца не самымі небяспечнымі, аднак тым, хто ўсё ж такое п'е, варта ведаць: печань і галава не ўзрадуюцца.
На восьмым і дзявятым месцах — ром і джын. Найбольш бяспечным відам рому аказаўся светлы, далей ідзе залацісты. А пераможцам па колькасці шкодных дабавак стаў цёмны ром. Пры гэтым усе тры варыяцыі нярэдка падрабляюць, таму ў танных аналагах колькасць шкодных кампанентаў і зусім можа зашкальваць.
У джыне ж павінен быць выключна якасны спірт — ступені «альфа» ці «люкс», а таксама розныя экстракты натуральных ягад, часцінкі дрэў і г. д. Пры выбары гэтых напояў варта звярнуць увагу на іх кошт, таннае тут натуральна не будзе добрым.
На апошнім, дзясятым, месцы гарэлка ў чыстым выглядзе. Калі яна не «паленая» і адпавядае прынятым стандартам якасці, то пры ўмераным ужыванні прыемнае пачуццё ап'янення без наступнага пахмелля вам практычна гарантавана. Зрэшты, гэта яшчэ не значыць, што піць гарэлку карысна.
Іван КУПАРВАС
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.