Вы тут

Дзед Мароз


Так ужо здарылася па жыцці, што я нарадзіўся ў сям'і настаўнікаў-філолагаў. У нашым доме заўжды на пачэсным месцы стаялі зборнікі Я. Купалы, М. Багдановіча, К. Чорнага. А коласаўскі верш пра Дзеда Мароза быў мною вывучаны і прачытаны на навагодняй ёлцы яшчэ ў трэцім класе. Хіба ж мог той дзесяцігадовы хлопчык падумаць, што некалі напіша навагоднюю песню на гэты цудоўны верш. Сёлета мы ўсе святкавалі 135-ю гадавіну з дня нараджэння любімага народам беларускага песняра Якуба Коласа. Прапаноўваю чытачам газеты «Звязда» песню «Дзед Мароз» і прысвячаю яе гэтаму юбілею і Новаму году.


Куплет 1

Ходзіць дзед белабароды

Полем, лесам, пералескам,

Засцілае рэчкі лёдам,

Брыльянцістым снежным блескам.

Сыпле іней на бярозы,

Туліць дрэвы лёгкім пухам,

Крые руні, травы, лозы

Белай посцілкай-кажухам.

Прыпеў:

Дзед Мароз, Дзед Мароз, Дзед Мароз,

Ходзіць дзед белабароды — Дзед Мароз.

Дзед Мароз, Дзед Мароз, Дзед Мароз,

Засцілае рэчкі лёдам Дзед Мароз.

Куплет 2

Дзеда ўсюды носяць ногі,

І к нам прыйдзе на хвілінку

Адпачыць крыху з дарогі,

Важна сеўшы на ялінку.

А ялінка!.. Чаго толькі

На яе няма галінках!

Свецяць зоркі і вясёлкі

У бліскучых павуцінках.

Куплет 3

Тут лісічка, зайчык, мышка,

Рыбкі, буслік даўгавязы.

А як ззяюць на ёй шышкі,

Нібы ў іх гараць алмазы!

Дык рассунем кола шырай,

Патанцуем на памосце,

Песняй звонкай, песняй шчырай

Прывітаем дзеда-госця.

Якуб Колас (1882—1956).

Народны паэт Беларусі, празаік, драматург, крытык, публіцыст, перакладчык, вучоны, педагог, грамадскі дзеяч. Адзін з заснавальнікаў (з Янкам Купалам) сучаснай беларускай літаратуры і літаратурнай мовы.

Рубрыку вядзе Яўген Ксяневіч, аўтар песень на вершы беларускіх паэтаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».