11 студзеня ў Белтэлерадыёкампаніі ў рэжыме жывога гуку пройдзе адкрытае праслухоўванне прэтэндэнтаў на ўдзел у міжнародным песенным конкурсе «Еўрабачанне-2018». Анлайн-трансляцыю з вялікай студыі ўжо традыцыйна будзе весці афіцыйны сайт www.tvr.by.
Як паведамілі «Звяздзе» ў прэс-службе медыяхолдынга, па стане на 26 снежня свае заяўкі даслалі больш як 30 артыстаў і калектываў, але гэта лічба не канчатковая — многія выканаўцы адпраўляюць бандэролі ў апошні дзень.
Імёны фіналістаў нацыянальнага адбору на «Еўрабачанне» журы назаве ўжо ўвечары 11 студзеня. Сам жа фінальны гала-канцэрт, падчас якога прафесіяналы са сферы музыкі і тэлебачання сумесна з гледачамі абяруць прадстаўніка Беларусі на міжнародным конкурсе, адбудзецца не пазней за 1 сакавіка наступнага года.
Вікторыя ЦЕЛЯШУК
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.