Адваротны бок старонкі
У 2018-м н(в)ашай “Маладосці” спаўняецца 65 гадоў. Гэта азначае, што 65 гадоў м(в)ы пісалі/чыталі для в(н)ас. Колькі пісьменнікаў/чытачоў прайшло праз старонкі/аркушы/нумары... У гэтым годзе мы жадаем расказаць вам некалькі сакрэтаў. Адкрыць страшныя тайны. Пра тое, як гэта ўсё пішацца.
Заклікаем аўтараў “Маладосці” да сумеснага праекту “Адваротны бок старонкі”. Чакаем ад вас адказаў на пытанне: як вы пішаце/ствараеце/натхняецеся/думаеце? Для таго, каб чытачы маглі ўбачыць яшчэ больш. Зразумець яшчэ больш. Для таго, каб нашы старонкі сталі аб’ёмнымі. Для таго, каб вы, нашы аўтары, сталі яшчэ больш жывымі і блізкімі.
Свае адказы ў форме эсэ дасылайце на наш электронны адрас maladost@zviazda.by.