Вы тут

У Брэсцкай вобласці пачынаецца праект “Марафон мужнасці”


12 снежня на Брэстчыне стартуе маладзёжны патрыятычны праект “Марафон Мужнасці”, прысвечаны 100-годдзю камсамола.


Фота: brsm.by

Першы этап марафона пройдзе па тэрыторыі Івацэвіцкага раёна. Удзельнікі — лідары БРСМ і БРПА, воіны-дэсантнікі — пачнуць свой маршрут ля помніка абаронцу Брэсцкай крэпасці комсомольцу Аляксею Наганава (г. Брэст вул. Наганава, 10, 10.30). У памяць пра гераічны подзвіг маладога лейтэнанта ў першыя дні вайны тут будуць ускладзены кветкі.

Наступны прыпынак удзельнікі праекта зробяць у г. Івацэвічы. Урачысты мітынг адбудзецца ў 13.00 каля брацкай магілы ў гарадскім скверы, дзе пахаваны юны партызан Мікалай Гойшык. Затым моладзь пазнаёміцца ​​яшчэ з адным героем - выхадцам Івацэвіцкага раёна, удзельнікам камсамольскага падполля і партызанскага руху на тэрыторыі Брэсцкай вобласці Віктарам Клютко. Кветкі ад удзельнікаў праекту будуць ускладзены ля помніка, пастаўленага на месцы пакарання смерцю героя.

У 15.00 на базе Івацэвіцкага дзяржаўнага прафесійнага ліцэя сельскагаспадарчай вытворчасці пройдзе творчая сустрэча маладзёжных пакаленняў.

Экскурсія па мемарыяльным комплексе партызанскай славы "Хаваншчына" завершыць першы этап марафона.

Арганізатарамі праекта выступаюць: Брэсцкі абласны камітэтБРСМ і абласны СаветБРПА, галоўнае ўпраўленне ідэалагічнай работы, культуры і па справах моладзі Брэсцкага аблвыканкама.

Праект пройдзе на тэрыторыі Брэсцкай вобласці са снежня 2017 па кастрычнік 2018 года. У рамках марафона будуць арганізаваны дыялогі маладзёжных пакаленняў, наведванне памятных месцаў і пахаванняў камсамольцаў, якія загінулі ў гады Вялікай Айчыннай вайны, працоўныя акцыі і суботнікі па добраўпарадкаванні маладзёжных паркаў і сквераў, высадка алей і лясоў, канцэрты ў працоўных калектывах, творчыя сустрэчы з лаўрэатамі камсамола. Ва ўсіх рэгіёнах будуць аформлены экспазіцыі і выставы, прысвечаныя 100-годдзю камсамола.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».