Вы тут

Пайшоў з жыцця заслужаны артыст Беларусі Іван Мацкевіч


Пайшоў з жыцця заслужаны артыст Беларусі Іван Мацкевіч. Інфармацыя пра гэта размешчана на афіцыйным сайце Нацыянальнага акадэмічнага драматычнага тэатра ім. М.Горкага.


Фота: kino-teatr.ru

"10 снежня на 71-м годзе пайшоў з жыцця заслужаны артыст Рэспублікі Беларусь Іван Іванавіч Мацкевіч. Мы страцілі таленавітага акцёра, які пакінуў важкі след у тэатральным мастацтве краіны. Яго сыход - вельмі цяжкая і незаменная страта для блізкіх, для сяброў, для калег і для прыхільнікаў яго таленту, велізарная страта для тэатра, служэнню якому ён прысвяціў многія гады. Выказваем свае шчырыя і глыбокія спачуванні сям'і і блізкім Івана Іванавіча", - гаворыцца ў паведамленні НАДТ ім. М.Горкага.

Іван Мацкевіч нарадзіўся ў вёсцы Грабава Ваўкавыскага раёна 9 красавіка 1947 года. У 1968 годзе скончыў Беларускі дзяржаўны тэатральна-мастацкі інстытут па спецыяльнасці "акцёр драматычнага тэатра і кіно" (курс прафесара А. І. Бутакова). Пасля інстытута працаваў спачатку ў Брэсцкім тэатры драмы, затым у Тэатры-студыі кінаакцёра. З 1996 года служыў у Нацыянальным акадэмічным драматычным тэатры імя Максіма Горкага. На сцэне тэатра ў бягучым рэпертуары Іван Мацкевіч быў заняты ў спектаклях "Бег" і нядаўна пастаўленым "Зойкіна кватэра" Міхаіла Булгакава, "Пане Каханку" і "Падводнікі" Андрэя Курэйчыка, "Леў зімой" Джэймса Голдмена і іншых. Акцёр быў шырока вядомы і па сваіх ролях у кіно: "Дзяржаўная мяжа. Фільм 3-ці: Усходні рубеж", "Раскіданае гняздо", "Сакрэтны фарватар", "Анастасія Слуцкая", "Маёр Ветраў", "Вольф Месінг: Хто бачыў скрозь час", "Снайпер. Зброя адплаты" і многія іншыя.

БЕЛТА

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.