Усходні гараскоп на наступны тыдзень

АВЕН. Гэты тыдзень можа стацца вельмі спрыяльным, і нават мінімальныя намаганні здольныя будуць прынесці істотныя вынікі. Вам трэба будзе здзяйсняць неардынарныя ўчынкі ў асабістым жыцці. А вось у прафесійнай сферы лепш не эксперыментаваць. У пятніцу дасягнуць паразумення з навакольнымі будзе вельмі праблематычна, ды і скажоная інфармацыя або яе недахоп можа ўскладніць справы.

ЦЯЛЕЦ. Вы — важная частка мазаікі, так што нельга надоўга знікаць з поля зроку калег і сяброў. Ваш удзел у падзеях тыдня можа падацца незаўважным, але будзе вельмі істотны. Ад вас спатрэбяцца адказнасць і здольнасць трымаць сітуацыю пад кантролем. Другую палову тыдня варта прысвяціць умацаванню адносін са сваякамі, добра было б арганізаваць сямейныя вячоркі, спрыяльны час для рашэння хатніх праблем.

БЛІЗНЯТЫ. Удала пойдуць творчыя справы, ажыццявяцца планы, звязаныя з паездкамі. Надыходзіць спрыяльны перыяд для самарэалізацыі. Вылучыце галоўную задачу, адсуньце далей дробныя і не такія важныя праекты. Неабходна рэальна ацаніць сітуацыю і пастарацца дасягнуць сваіх мэт. Адкладаць далей не варта. У чацвер вашы хуткія і рашучыя дзеянні могуць стаць для кагосьці выратаваннем.

РАК. Кар'ерныя пытанні запатрабуюць вашай увагі. У пачатку тыдня верагодны цікавыя дзелавыя прапановы. Пажадана не ўпарціцца, а даць падзеям магчымасць ісці сваім парадкам. Панядзелак і сераду прысвяціце прывядзенню папер у парадак, магчыма, вы знойдзеце і выправіце дапушчаныя некалі памылкі. У чацвер будуць удалымі дзелавыя паездкі і камандзіроўкі. Другая палова тыдня станецца менш плённай. У пятніцу павышаная верагоднасць безразважных учынкаў, дзеянняў пад уплывам асляпляльных эмоцый.

ЛЕЎ. Поспех абавязкова прыйдзе да вас, але толькі калі вы прыкладзяце максімум намаганняў для яго дасягнення. Не саромейцеся праявіць свае інтэлектуальныя здольнасці і дапамагчы знайсці правільны адказ іншым. Але не спрабуйце выканаць складаную работу ў адзіночку — гэта сапсуе адносіны з навакольнымі і не лепшым чынам адаб'ецца на канчатковым выніку.

ДЗЕВА. Вы можаце паспяхова справіцца з самымі складанымі задачамі, якія раней падаваліся невырашальнымі. У панядзелак і аўторак пастаўцеся з асцярогай да новых дзелавых прапаноў. У сераду пажадана знізіць аб'ём работы, ёсць рызыка не справіцца і стаміцца. Паспрабуйце аб'ектыўна ацэньваць свае магчымасці. Важныя справы лепш паспець завяршыць да суботы. У сям'і варта паводзіць сябе стрымана, у адваротным выпадку вам не пазбегнуць сваркі са сваякамі.

ШАЛІ. Нямала сіл можа спатрэбіцца, каб урэгуляваць хоць бы частку працоўных праблем. Не варта засмучацца, калі ў пачатку тыдня давядзецца сутыкнуцца з пэўнымі перашкодамі ў справах. Тым не менш гэты тыдзень не пазбаўлены прыемных зносін, дзелавых паездак і свежай інфармацыі. У выхадныя магчымыя перамены, якія пойдуць вам на карысць. Удзяліце дзецям пабольш часу, ім неабходна ўвага.

СКАРПІЁН. Абстаноўка ў прафесійнай сферы на рэдкасць удалая для актыўных дзеянняў, вам гарантаваныя грамадская і сяброўская падтрымка. Тыдзень у цэлым спрыяльны, так што будзе пераважаць добры настрой. Стабільнасць вашай кар'еры будзе шмат у чым залежаць ад умення дамаўляцца з людзьмі. Калі давядзецца заключыць важны дагавор, падрыхтуйце ўсё старанна, і кар'ерны рост забяспечаны.

СТРАЛЕЦ. Унутраная і знешняя гармонія зберажэ вас ад эмацыянальных усплёскаў. У панядзелак непажадана занадта расслабляцца, бо можа высветліцца, што частка спраў не церпіць адкладу. У чацвер, перш чым узяцца за сур'ёзную справу, правільна ацаніце свой патэнцыял. Лепш папрасіць парады і дапамогі, чым паводзіць сябе, як зануда і чалавек, які ўсё ведае лепш за іншых.

КАЗЯРОГ. Высокая працаздольнасць, прадпрымальнасць і ўпэўненасць у сабе будуць характарызаваць вас на гэтым тыдні і могуць апынуцца прадметам зайздрасці навакольных. Праблемы, якія раней здаваліся невырашальнымі, распадуцца на шэраг дробных, і адолець іх не выкліча цяжкасці. Аднак не варта задзіраць нос і лічыць сябе спецыялістам ва ўсіх абласцях. Рэкамендуецца ўспомніць і аднавіць старыя сувязі і знаёмствы, па нейкіх прычынах напаўзабытыя.

ВАДАЛЕЙ. На гэтым тыдні ў вас з'явіцца магчымасць арганізаваць цікавае мерапрыемства, заключыць выгадны дагавор. У аўторак і сераду дзелавыя партнёры могуць паказаць сябе ў праўдзівым святле. Пачынаючы з чацвярга, у вас будуць усе падставы парадавацца за тое, як ідуць справы. Спрыяльнымі будуць сяброўскія кантакты ў другой палове тыдня. У выхадныя пазбягайце бесталковага разбазарвання сіл і энергіі, пустой балбатні.

РЫБЫ. Вы поўныя сіл і рашучасці, аднак варта параіцца з блізкімі перш, чым нешта мяняць. Некаторыя цяжкасці, якія ўзніклі ў пачатку тыдня, не стануць перашкодай для праявы вашага прафесіяналізму, а вось з уласнай упартасцю давядзецца пазмагацца. Паспрабуйце захоўваць добрыя адносіны з начальствам і калегамі, будзьце карэктныя ў фармулёўках.