Вы тут

Маладыя аўтары Беларусі і Расіі ўзнагароджаны Саюзнай дзяржавай


Колькі б літаратурных конкурсаў ні было, іх ўсё роўна будзе мала, бо кожны з іх выконвае пачэсную місію — стымуляваць развіццё літаратуры, а дасягнуць тут хоць прывіднага ідэалу, напэўна, немагчыма. У нашым выпадку гаворка ідзе пра стымуляванне імпэту маладых літаратараў: конкурс Саюзнай дзяржавы "Мост дружбы" 7 снежня агучыў імёны пераможцаў — аўтараў найлепшых са ста пяцідзесяці празаічных твораў, дасланых на конкурс.


Іван Міронавіч Ушакоў–  прафесар, вядучы навуковы супрацоўнік Інстытута сусветнай літаратуры ім. А.М.Горкага РАН

"Мост дружбы" падтрымлівае маладых літаратараў 18—30 гадоў з іх малымі літаратурнымі формамі — апавяданнямі, нарысамі альбо эсэ. Дванаццаць аўтараў — гэта тыя, хто засталіся ў выніку паэтапнага адбору: спачатку рабочая група адбірае заяўкі, якія б адпавядалі ўмовам конкурсу (на гэтым этапе сёлета са ста пяцідзесяці работ засталося каля ста), потым журы, у якое уваходзяць эксперты абедзвюх краін, вызначаюць найлепшых. Хоць звычайна — а конкурс быў арганізаваны трэці раз — Экспертны Савет выбірае па пяць найлепшых ад кожнай краіны, у гэтым годзе ў выніку абмеркавання журы вырашыла адзначыць у цэлым дванаццаць аўтараў. Дарэчы, адзін з пераможцаў — беларускі аўтар Андрэй Дзічэнка — стаў лаўрэатам "Моста дружбы" ўжо другі раз. Апроч яго, конкурсам былі адзначаны беларусы Ігар Аўласенка, Вольга Маладцова, Іван Малінін, Алена Папко і Настасся Бакуновіч.

Іван  Кузняцоў з Расіі атрымлівае ўзнагароду за твор “Шепот Тонущего Города”

Ягор Кулікоў з Расіі ўзнагароджаны за твор «Мухоловки! Мухобойки!»

Андрэй Дзічэнка з’яўляецца лаўрэатам прэміі ўжо ў другі раз

— Маладыя аўтары ў сваіх невялікіх па памеры творах — а малыя літаратурныя формы насамрэч вельмі складаныя — здолелі завастрыць увагу на мастацкім баку і на маладых шуканнях, без якіх складана ўявіць літаратуру і яна ўвогуле развіваецца не так, як трэба, — каментуе член журы, прафесар і вядучы навуковы супрацоўнік Інстытута сусветнай літаратуры імя Горкага Расійскай акадэміі навук Аляксандр Ушакоў. — Тое, што адбываецца ў рамках конкурсу, мае велізарнае значэнне, бо ў выніку розных абставін — развіцця інтэрнэту і іншага — мы разумеем, што слова губляе той паўнакроўны сэнс, які павінна ў сабе несці. Яно вельмі часта становіцца інфармацыйным, а не той сілай, якая заглядвае ўглыб падзей і чалавека. Таму грамадства, і расійскае, і беларускае, не павінна страчваць тое, што называецца словам. Страціць слова — значыць, страціць нешта значна большае.

Узнагароджванне адбылося ў Нацыянальнай бібліятэцы, маладых літаратараў віталі намеснік Дзяржаўнага сакратара Саюзнай дзяржавы Іван Бамбіза, міністр інфармацыі Беларусі Аляксандр Карлюкевіч, першы намеснік міністра культуры Беларусі Ірына Дрыга, члены Экспертнага Савета, якія прымалі ўдзел у вызначэнні пераможцаў.

Сафія КІСЯЛЁВА

Фота Ганны ЗАНКАВІЧ

Загаловак у газеце: Сіла слова

Каментары

Ад Мінскага абласнога аддзялення ГА "Саюз пісьменнікаў Беларусі" шчыра віншую пераможцаў, і асабіста Маладцову Вольгу!

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.