Кіраўнік нашай дзяржавы Аляксандр Лукашэнка рэгулярна сустракаецца з дыпламатамі, якія шмат зрабілі для развіцця адносін сваёй краіны з Беларуссю. Такія мерапрыемствы традыцыйныя напрыканцы дыпламатычных місій. Учора Прэзідэнт сустрэўся з Ергалі Булегенавым, Надзвычайным і Паўнамоцным Паслом Рэспублікі Казахстан у нашай дзяржаве.
Сёння нашу краіну наведвае лідар гэтай краіны, таму сустрэчу з казахстанскім паслом Прэзідэнт назваў «добрым уступам» да гэтага візіту.
— Што дрэнна — што сябры з'язджаюць, — адзначыў Аляксандр Лукашэнка. — Жыццё дыпламатаў такое, як і ў ваенных. Адслужыў тэрмін — паехаў на іншую работу. Мы гэта разумеем, але яшчэ раз падкрэсліваю: вы для нас чалавек не чужы. Вы рабілі вельмі шмат для таго, каб у нас былі вельмі добрыя адносіны паміж дзвюма краінамі.
Беларускі лідар назваў Ергалі Булегенава «сапраўдным прадстаўніком казахстанскага народа»:
— Не збіраюся тут казаць аб прасунутых нашых адносінах. Казахстан — гэта адна з краін, з якімі мы маем самыя блізкія адносіны. Мы ў эканамічным саюзе з вамі (Еўразійскім эканамічным саюзе. — Аўт.), у нас няма палітычных рознагалоссяў, мы аднолькава глядзім на парадак дня міжнародных адносін. Словам, разыходжанняў у нас практычна няма ніякіх, і ў гэтым вялікая ваша заслуга — ва ўмацаванні сяброўства паміж Казахстанам і Беларуссю.
Кіраўнік нашай дзяржавы выказаў спадзяванне, што дыпламат назаўсёды застанецца сябрам нашай дзяржавы.
У тэму
Ергалі Булегенаў, Надзвычайны і Паўнамоцны Пасол Рэспублікі Казахстан у Рэспубліцы Беларусь, заявіў па выніках сустрэчы з беларускім лідарам:
— Амаль шэсць гадоў працы ў Беларусі праляцелі вельмі імкліва, відаць, таму, што я быў пастаянна ў рабоце па ўмацаванні нашых двухбаковых адносін. Яны ў нас маюць глыбокія карані. Думаю, я зрабіў свой унёсак у справу па іх пашырэнні.
Надзея ЮШКЕВІЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!