Камянецкія ратавальнікі вызвалілі з бяды сабаку. Невядома, якім чынам дварняк трапіў у раку Лясную, але самастойна выбрацца не мог. Пра гэта і паведаміў на пульт дзяжурнага МНС занепакоены гараджанін.
Паводле слоў афіцыйнага прадстаўніка Брэсцкага абласнога ўпраўлення МНС Сяргея МАШНОВА, супрацоўнік райаддзела з дапамогай выратавальнай лодкі падплыў да небаракі і зацягнуў яго туды. Сабака быў такі знясілены, што яго давялося несці на руках. Пажарныя-ратавальнікі даставілі ў сваю часць чатырохногага сябра, там яго адагрэлі, накармілі. Гадзіны праз дзве дварняк адышоў, махнуў хвастом ды падаўся па сваіх сабачых справах. Магчыма, на сярэдзіну ракі жывёліна трапіла па злой волі чалавека, але, на шчасце, іншы чалавек прадэманстраваў добрую волю і паказаў прыклад паводзінаў у адносінах да братоў нашых меншых.
Святлана ЯСКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
