Сяргей Дарошка прызначаны начальнікам Галоўнага ўпраўлення ўнутраных спраў Мінскага гарвыканкама. Адпаведнае кадравае рашэнне прыняў сёння Прэзідэнт Беларусі Аляксандр Лукашэнка.
Кіраўнік дзяржавы звярнуў увагу, што ў Мінску заўсёды на належным узроўні забяспечваецца грамадскі парадак і яго жыхары адчуваюць сябе ў бяспецы. Так павінна быць і ў далейшым, падкрэсліў ён. "Гэта сталіца, мы не можам страціць свой твар. Мы заўсёды ганарымся тым, што ў нас Мінск - прыгажун-горад, але самае галоўнае, што жанчына ў любы час дзіця ў калыску пасадзіла і пайшла гуляць па вуліцы - да яе ніхто не мае права дакрануцца", - сказаў Аляксандр Лукашэнка.
Прэзідэнт асобна спыніўся на дзейнасці міліцэйскіх патрулёў, канстатаваўшы, што такая практыка ўжо даўно станоўча сябе зарэкамендавала. "Добрая практыка, калі выходзяць нашы хлопцы з вайсковай часці, амапаўцы, ідуць, дзяжураць тры хлопцы - прыгажуны. Гэта дэманстрацыя насельніцтву, што ў нас парадак. І вайскоўцам трэба гэтаму вучыцца, калі яны патрулююць горад. Яны будуць разумець, што патрэбныя людзям, а людзі, гледзячы на іх, будуць разумець, што ў горадзе спакойна", - адзначыў кіраўнік дзяржавы.
Аляксандр Лукашэнка таксама падкрэсліў, што дзеянні міліцыі па спыненні беспарадкаў і спроб дэстабілізаваць абстаноўку павінны быць рашучымі. "У вас павінна быць найжорсткая палітыка, да двух лічыць вы не павінны. Вы бачыце, што вакол адбываецца. Калі мы тут аслабім патрабаванні да бяспекі нашых людзей, захлісне нас імгненна, прытым з усіх бакоў, - звярнуў увагу Прэзідэнт. - Вы павінны разумець , што вы пад кантролем не толькі ў свайго начальніка. Вы заўсёды павінны адчуваць нават у спіну мой погляд, таму што я звяртаю ўвагу на ўсе пытанні: ад паставога міліцыянера, які забяспечвае праезд картэжу, да дзяжурства вашых дзяцей у горадзе. Таму я і хачу , каб ніхто потым камень у ваш бок не кінуў".
Кіраўнік дзяржавы пацікавіўся, як ацэньвае прызначэнне Сяргея Дарошка начальнікам сталічнага ГУУС які раней займаў гэтую пасаду намеснік міністра ўнутраных спраў Аляксандр Барсукоў. Было адзначана, што ён падтрымлівае дадзеную кандыдатуру. "Вы ведаеце, што такое Мінск: там не схаваешся за спіны, там трэба ісці наперадзе. Трэба сказаць, што Барсукоў, дзе б ён ні працаваў, калі ён быў звязаны з горадам, ніколі не падводзіў. Ён заўсёды наводзіў парадак", - дадаў Аляксандр Лукашэнка.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
