Вы тут

Семінар па Мэтах устойлівага развіцця (МУР) прайшоў у Мінску


Ёсць прапанова ў лютым сабраць разам усіх нацыянальных каардынатараў ці кіраўнікоў дзейнасці па дасягненні МУР Еўропы і СНД у Беларусі на форум. Акрамя іх, запрасіць і кіраўніцтва ААН. Пра гэта перад семінарам журналістам расказала Мар'яна ШЧОТКІНА, нацыянальны каардынатар па дасягненні Мэт устойлівага развіцця, намеснік старшыні Савета Рэспублікі Нацыянальнага сходу Беларусі.


Фота: БЕЛТА

По словах Мар'яны Шчоткінай, міжнародныя эксперты ўжо адзначылі, што наша краіна падышла больш сістэмна да дасягнення МУР, чым шэраг іншых дзяржаў. У Беларусі, напрыклад, акрамя нацыянальнага каардынатара, працуе Савет па ўстойлівым развіцці, які курыруе работу па чатырох асноўных кірунках: эканоміка, экалогія, сацыяльная палітыка, статыстыка. Да таго ж створаны парламенцкая група і група партнёраў, куды ўваходзяць грамадскія аб'яднанні. Дарэчы, у снежні пройдуць парламенцкія слуханні на базе Савета Рэспублікі, тэмай якіх стане партнёрства і ўзаемадзеянне ўсіх галін улады і грамадзянскай супольнасці па дасягненні МУР.

Напрыканцы лістапада ў Беларусь прыедуць міжнародныя эксперты, каб ацаніць стартавыя пазіцыі краіны, а пасля маніторынгу падказаць напрамкі працы. «У Мэт устойлівага развіцця ёсць адзін добры дэвіз — нікога не пакінуць убаку. Дасягнуць гэтага магчыма толькі сумеснымі намаганнямі ўсёй грамадзянскай супольнасці і ўсіх галін улады», — адзначыла Мар'яна Шчоткіна.

Пастаянны каардынатар ААН, пастаянны прадстаўнік Праграмы развіцця ААН у Беларусі Санака Самарасінха адзначыў, што ў нашай краіне дастаткова высокі ўзровень чалавечага развіцця, таму ў нас ёсць увесь патэнцыял, каб дасягнуць МУР. Па яго словах, дзяржавы сыходзяцца на тым, што працаваць трэба супольна. Важна, каб і грамадскія аб'яднанні, і прыватны сектар, і моладзь былі ўключаны ў гэты працэс.

Надзея АНІСОВІЧ

аnіsоvісh@zvіаzdа.bу

Загаловак у газеце: Залежыць ад кожнага

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.