Паркоўкі ў цэнтры Вільнюса становяцца платнымі

З 20 лістапада гэтага года зменіцца парадак паркоўкі аўтамабіляў на частцы вуліц і плошчаў цэнтра горада.

Змены закрануць Стары горад, Наўямесціс, Ужупіс і подступы да цэнтра Вільнюса.

Новаўвядзенні прыняты ў сувязі з павялічанай колькасцю скаргаў жыхароў цэнтра горада на неакуратна прыпаркаваныя і замінаючыя руху аўтамабілі, а таксама для рэгулявання транспартных патокаў у горадзе і працягласці стаянак.

З 20 лістапада плата за паркоўку аўтамабіля будзе спаганяцца на наступных вуліцах:

• на вуліцы Скапа,

• на вуліцы Серакаўско каля будынку 15,

• на ўчастку вуліцы Львова,

• на вуліцы Лінкмяну паміж вуліцай Львово і праспектам Канстытуцыёс,

• у завулку Балтасіс каля вуліцы Полацка,

• на вуліцы Полацка ад дома нумар 16 да вуліцы Аланду,

• на вуліцы Зарасу ад дома нумар 5 да вуліцы Полацко.

Вуліца Скапа трапляе ў сінюю зону аплаты (аплата спаганяецца з панядзелка па нядзелю з 08:00 да 24:00, гадзіна стаянкі каштуе 2,5 еўра).

Адрэзак вуліцы Серакаўско ля дома нумар 15 трапляе ў зялёную зону аплаты (аплата спаганяецца з панядзелка па суботу з 08:00 да 18:00, гадзіна стаянкі каштуе 0,3 еўра).

Участкі вуліцы Львова, на вуліцы Лінкмяну паміж вуліцай Львова і праспектам Канстытуцыёс і ва Ужупісе (завулак Балтасіс, частка вуліц Полацко і Зарасу) трапляе ў жоўтую зону паркоўкі (аплата спаганяецца з панядзелка па суботу з 08:00 да 20:00, гадзіна стаянкі каштуе 0,6 еўра).

bel.sputnik.by