22 Люты, чацвер

Вы тут

Хто выйграе Кубак Федэрацыі?


Фінал Сусветнай групы паміж зборнымі Беларусі і Злучаных Штатаў стартуе сёння. Сустрэча выклікае вялікую цікавасць не толькі ў беларусаў, але і ва ўсім свеце, трансляцыі з Мінска ўбачаць тэлегледачы 157 краін, матч будуць асвятляць каля 120 журналістаў, якія прадстаўляюць больш за 50 СМІ розных дзяржаў.


Сёння адбудуцца два адзіночныя паядынкі. Першымі на корт выйдуць Аляксандра Сасновіч і першы нумар каманды ЗША Кока Вандэвеге.

Адзначым, што ў матчах за зборную ЗША Вандэвеге, як і Аляксандра Сасновіч за Беларусь, у 2017 годзе не ведае паражэнняў: пяць перамог у пяці паядынках. Неўзабаве пасля завяршэння першай сустрэчы на пляцоўцы з'явяцца Арына Сабаленка і Слоан Стывенс.

Заўтра пройдуць яшчэ дзве адзіночныя гульні і парны матч. Спачатку адбудзецца паядынак першых нумароў абедзвюх дружын Арыны Сабаленкі і Кока Вандэвеге, услед за імі згуляюць Аляксандра Сасновіч і Слоан Стывенс. На парны матч з нашага боку заяўлены тандэм Вера Лапко/Лідзія Марозава, супрацьстаяць ім будуць Шэлбі Роджэрс і Элісан Рыске. Нагадаем, што па рэгламенце Кубка Федэрацыі, перад другім гульнявым днём капітаны камандаў маюць права зрабіць замены.

Адзначым, што зборная Беларусі ўпершыню прабілася ў фінал неафіцыйнага каманднага чэмпіянату свету, а каманда ЗША 17 разоў станавілася пераможцам гэтага турніру.

Дар'я Лабажэвіч

lobazhevich@zviazda.by

Фота БЕЛТА

Загаловак у газеце: Барацьба лідараў

Дадаць каментар

Выбар рэдакцыі

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...

Грамадства

Вандроўка ў Беніцу

Вандроўка ў Беніцу

Дзе знаходзіцца касцёл пачатку ХVІІІ стагоддзя.