Больш за 100 дзяцей ва ўзросце ад 6 да 14 гадоў прымуць удзел у спаборніцтвах за званне лепшага спартсмена клуба. Першынство пачнецца ў 10.00 у сярэдняй школе №213 г. Мінска па адрасе: пр-т Любімава, 27. Спаборніцтвы будуць праходзіць у розных катэгорыях: сумо і кумітэ. Наведаць мерапрыемства можа любы ахвотны.
У рамках спаборніцтваў можна будзе ўбачыць выступленні вопытных спартсменаў клуба, удзельнікаў гарадскіх, рэспубліканскіх і міжнародных спаборніцтваў, зусім юных пачаткоўцаў, а таксама ўрачыстае адкрыццё мерапрыемства.
Наведвальнікі мерапрыемства будуць мець магчымасць не толькі акунуцца ў атмасферу спаборніцтваў, але і змогуць асабіста пазнаёміцца з трэнерамі, даведацца пра асаблівасці гэтага віду спорту, пагутарыць з бацькамі, чые дзеці ўжо займаюцца ў клубе, і спартсменамі любога ўзросту.
Па выніках мерапрыемства будуць адабраны перспектыўныя маленькія спартсмены для ўдзелу ў міжнародным турніры ў Рызе ў сакавіку 2018 года.
Такое мерапрыемства адбываецца не ўпершыню. У мінулым годзе яно таксама адбылося. У ім прынялі ўдзел больш за 60 дзяцей ад 6 да 10 гадоў. Паспяховае правядзенне першынства дазволіла арганізатарам перавесці яго ў фармат штогадовага.
Клуб каратэ “Тэндай” быў заснаваны 18 чэрвеня 2015 года. На дадзены момант у ім займаецца больш за 100 хлопчыкаў і дзяўчынак ва ўзросце ад 5 гадоў. Выкладанне вядзецца ў самым папулярным стылі шатакан (сётакан) каратэ-до.
Сяргей РАСОЛЬКА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
