Большая частка зваротаў датычылася жыллёвай сферы: будаўніцтва і зносу дамоў, а таксама адсялення іх жыхароў.
Тэлефанавалі мэру сталіцы Андрэю Шорцу і наконт ільготных крэдытаў і субсідый на ўзвядзенне жылля для розных катэгорый грамадзян, у прыватнасці сем'яў, якія выхоўваюць дзяцей-інвалідаў. Не засталася без увагі і сфера ЖКГ: для хутчэйшага вырашэння праблемныя пытанні былі перанакіраваныя ў раённыя адміністрацыі. Усяго мясцовым органам улады паступіла 44 пытанні для разгляду.
Цікавіла мінчан не толькі будаўніцтва новага жылля, але і капітальны рамонт старога, напрыклад, магчымасць вывядзення батарэй са сцен пры правядзенні адпаведных работ. Адна са скаргаў датычылася шуму, які даносіцца са склепа шматкватэрнага дома з-за размешчанага там халадзільнага абсталявання гандлёвага аб'екта.
Кола пытанняў не абмежавалася асобнымі дамамі, былі сярод іх і тыя, якія закраналі цэлыя населеныя пункты.
Старшыня Мінгарвыканкама запэўніў, што кожная сітуацыя будзе дасканала вывучаная, а на кожны зварот будзе дадзены адказ у рамках дзеючага заканадаўства. Увогуле за тры гадзіны прамой лініі было прынята 65 званкоў, пры гэтым зафіксавана каля 3 800 спроб датэлефанавацца.
Дар'я КАСКО
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
