Нацыянальная экспазіцыя нашай краіны прадстаўлена на Міжнароднай выстаўцы «FІHAV» на Кубе. Па сваёй значнасці гэта выстаўка ўваходзіць у тройку найбуйнейшых выставачных мерапрыемстваў у Лацінскай Амерыцы. Штогод у мерапрыемстве прымаюць удзел больш за чатыры тысячы кампаній з 60 краін.
У цырымоніі яе адкрыцця прынялі ўдзел міністр прамысловасці Віталь Воўк і пасол Беларусі на Кубе Аляксандр Аляксандраў.
Як адзначыў у сваім выступленні Віталь Воўк, мэта ўдзелу ў выстаўцы — гэта новыя кантакты і новыя партнёры. А галоўная мэта для прамысловасці Беларусі — больш актыўна ўваходзіць на рынак Кубы. «Для гэтага ёсць усе перадумовы, — адзначыў міністр. — За апошні час з'явіліся новыя партнёры, новыя механізмы. З улікам устаноўкі кіраўніка дзяржавы на цесную працу з Кубай, я ўпэўнены, што мы рэалізуем гэтыя амбіцыйныя планы. У найбольшай ступені для гэтага рынку цікавая тэхніка МАЗа, «Амкадора», МТЗ, разлічваем на тэхніку «Гомсельмаша». Наогул, уся прадукцыя, якая сёння вырабляецца ў Рэспубліцы Беларусь, можа быць запатрабавана на кубінскім рынку».
Падчас цырымоніі адкрыцця было падпісана пагадненне аб супрацоўніцтве паміж Беларускай гандлёва-прамысловай палатай і Гандлёвай палатай Рэспублікі Куба.
Надзея ЮШКЕВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.