Вы тут

Пройдзе VI Форум ВНУ інжынерна-тэхналагічнага профілю Саюзнай дзяржавы


З 24 па 27 кастрычніка ў беларускай сталіцы на базе БНТУ адбудзецца форум праектаў праграм Саюзнай дзяржавы - VI Форум ВНУ інжынерна-тэхналагічнага профілю Саюзнай дзяржавы, прысвечаны глабальнай энергетыцы, партнёрству краін і тэхналогій у кантэксце ўстойлівага развіцця і захавання клімату. Асноўная яго мэта - стварэнне ў рамках беларуска-расійскага інтэграцыйнага супрацоўніцтва міжуніверсітэцкай платформы для рэалізацыі маладзёжных ініцыятыў, праграм і праектаў па вырашэнні праблем глабальнай энергетыкі і падрыхтоўкі высокакваліфікаваных кадраў для АЭС.


У рабоце форуму возьмуць удзел маладыя навукоўцы і спецыялісты, студэнты, магістранты і аспіранты ВНУ інжынерна-тэхналагічнага профілю Саюзнай дзяржавы. Адметнасцю форуму стане ўдзел у яго рабоце выпускнікоў БНТУ -- вядомых навукоўцаў і прадстаўнікоў прафесарска-выкладчыцкага складу -- з такіх краін блізкага і далёкага замежжа як Алжыр, В'етнам, Германія, Іспанія, Літва, Польшча, Славакія.

У праграме запланаваны лекцыі для студэнтаў і ўдзельнікаў форуму па праблемах энергетыкі, энергетычнай і экалагічнай бяспецы, захаванні клімату; ацэньванне маладзёжных інавацыйных праектаў ВНУ ў сферы энергетыкі, энергетычнай бяспекі, энергаэфектыўнасці; абмеркаванне перспектыў адукацыі ў сферы атамнай энергетыкі і актуальных праблем энергетыкі, а таксама прадстаўленне стартап-праектаў і навуковых распрацовак у энергетычнай галіне.

Форумы ВНУ інжынерна-тэхнічнага профілю праводзяцца з 2012 года, яны сталі аднымі з найбуйнейшых у шэрагу мерапрыемстваў на тэрыторыі ЕАЭС у галіне навукі, адукацыі і інавацыйнай дзейнасці. Іх правядзенне дазволіла стварыць эфектыўную платформу ўзаемадзеяння ВНУ інжынерна-тэхналагічнага профілю Саюзнай дзяржавы. З мэтай стымулявання маладзёжнага інавацыйнага прадпрымальніцтва з 2013 года падчас форуму на пастаяннай аснове праводзіцца бізнес-бой "Лепшы маладзёжны інавацыйны праект Саюзнай дзяржавы".

Форум пройдзе пры падтрымцы Пастаяннага камітэта Саюзнай дзяржавы, Міністэрства адукацыі Беларусі і Міністэрства адукацыі і навукі Расійскай Федэрацыі.

Надзея НІКАЛАЕВА

Дадаць каментар

Выбар рэдакцыі

Грамадства

Піратэхнічны выраб — гэта фактычна тое ж выбуховае рэчыва

Піратэхнічны выраб — гэта фактычна тое ж выбуховае рэчыва

«Звязда» пагутарыла з афіцыйным прадстаўніком МНС Віталем НАВІЦКІМ.

Эканоміка

Як найбліжэйшая пяцігодка зменіць сельскагаспадарчую галіну?

Як найбліжэйшая пяцігодка зменіць сельскагаспадарчую галіну?

Гэта адна з найбольш важных даходных пазіцый для бюджэту.

Грамадства

Уладзімір Краўцоў пра тое, як будзе развівацца Гродзенская вобласць

Уладзімір Краўцоў пра тое, як будзе развівацца Гродзенская вобласць

Кіраўнік Гродзенскай вобласці — аб розніцы паміж усходам і захадам, паразуменні фермераў і буйных агракомплексаў, спосабах прыцягнення турыстаў і прыватнай ініцыятыве ў рэстаўрацыі будынкаў.

Грамадства

Смеццевы калапc: рэальная пагроза?

Смеццевы калапc: рэальная пагроза?

Як у нашай краіне вырашаецца праблема з утварэннем і ўтылізацыяй адходаў.