Вы тут

БРСМ правёў адкрыты дыялог «Моладзь за мір і добрасуседства»


У апошні дзень на палях XIX сусветнага фестывалю моладзі і студэнтаў прадстаўнікі беларускага рэспубліканскага саюза моладзі правялі адкрыты дыялог на тэму «Моладзь за мір і добрасуседства». Сярод асноўных спікераў былі член Савета Рэспублікі Нацыянальнага сходу, першы сакратар ЦК БРСМ Андрэй Белякоў, Сакратар ЦК ЛКСМ Расіі Уладзімір Ісакаў, прэзідэнт Асацыяцыі замежных студэнтаў Расіі Аду Яо Нікэз. 


Як адзначыў дэкан факультэта філасофіі і сацыяльных навук БДУ Вадзім Гігін, які з'яўляўся мадэратарам форуму, на мерапрыемстве гаворка ішла аб канкрэтных ініцыятывах моладзі, дзяржаўных дзеячаў, якія будуць спрыяць развіццю міратворчасці. «Асновай для гэтага з'яўляецца прапанова Прэзідэнта Аляксандра Лукашэнкі аб запуску новага глабальнага працэсу міратворчасці ў мадэлі «Хельсінкі-2». Падчас дыялогу ў Сочы была прынята рэзалюцыя, якую прадстаўнікі розных краін, сярод якіх Куба, Нідэрланды, Расія, аднагалосна падтрымалі», — адзначыў Вадзім Гігін. Акрамя таго, ён расказаў што ініцыятыва была дапоўнена запускам акцыі «Адпраў паштоўку міра». Сутнасць яе заключаецца ў тым, што маладыя людзі розных краін будуць накіроўваць кіраўнікам сваіх дзяржаў такія паштоўкі з просьбай падлучыцца да міратворчасці. «Таксама прагучала прапанова запусціць хэштэг «Увесь свет за мір». Гэта сапраўды будзе яркім прыкладам таго, што моладзь патрабуе ад палітыкаў спынення узброеных канфліктаў. І безумоўна яшчэ адна частка гэтай ініцыятывы - абвясціць 2019 годам «міру і добрасуседства», і паставіць палітыкам задачу спыніць любыя ўзброеныя канфлікты ці паменшыць іх колькасць у свеце на гэты год», — рэзюмаваў Вадзім Гігін. 

Ілья КРЫЖЭВІЧ 

kryzhevich@zviazda.by

Фота БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.