Міністр адукацыі Беларусі Ігар Карпенка і начальнік упраўлення міністэрства па справах моладзі і спорту Індыі Асіт Сінгх падпісалі сумесны план мерапрыемстваў двух міністэрстваў у сферы дзяржаўнай маладзёжнай палітыкі на 2018-2019 гады.
Сустрэча адбылася падчас XIX сусветнага фестывалю моладзі і студэнтаў.
Перад афіцыйнай часткай мерапрыемства Ігар Карпенка прадставіў індыйскім партнёрам беларускі стэнд на выставе фестывалю, пазнаёміў іх з дасягненнямі Беларусі ў галіне навукі, эканомікі, турызму, маладзёжнай палітыцы. Міністр адукацыі нагадаў, што падчас візіту Прэзідэнта Аляксандра Лукашэнкі ў Індыю, які адбыўся ў верасні, быў падпісаны Мемарандум аб узаемаразуменні паміж Міністэрствам адукацыі Беларусі і Міністэрствам па справах моладзі і спорту Індыі па пытаннях супрацоўніцтва ў галіне маладзёжнай палітыкі.
«Каб рэалізаваць гэты дакумент, Міністэрства адукацыі распрацавала і накіравала ў адрас зацікаўленых бакоў Індыі ў канцы верасня сёлета сумесны план мерапрыемстваў у сферы дзяржаўнай маладзёжнай палітыкі. Мы дамовіліся, што ў рамках фестывалю ў Сочы мы падрыхтуем агульную праграму работы ў гэтай галіне і напоўнім яе канкрэтнымі мерапрыемствамі. Мяне радуе, што мы вельмі плённа папрацавалі і праз месяц ужо гатовыя да падпісання такога дакумента», — падкрэсліў Ігар Карпенка. Ён таксама нагадаў, што ў дзвюх краін традыцыйна складваліся добрыя адносіны яшчэ з часоў СССР. Паводле яго слоў, у Беларусі вельмі зацікаўлены ў развіцці двухбаковых адносін па ўсіх магчымых напрамках.
У сваю чаргу Асіт Сінгх адзначыў, што Беларусь і Індыя прайшлі доўгі шлях у фармаванні добрых ўзаемавыгадных адносін, і тое, што падпісваецца гэты дакумент на палях сусветнага фестывалю моладзі і студэнтаў, павінна ўмацаваць ўзаемадзеянне дзвюх краін.
Таксама Ігар Карпенка расказаў індыйскім калегам, што праінфармаваў міністра спорту і турызму аб дамоўленасці па падпісанні мемарандума аб узаемадзеянні ў галіне спорту. «Наша міністэрства выказала гатоўнасць гэта зрабіць. У бліжэйшы час мы гатовыя разам з вамі адпрацаваць усе пункты гэтага дакумента і дамовіцца па арганізацыі яго падпісання», — адзначыў міністр адукацыі.
У сваю чаргу Асіт Сінгх сказаў, што пасля таго як адбудуцца неабходныя кансультацыі і будуць адпрацаваны некаторыя дэталі, індыйскі бок будзе гатовы да падпісання.
Сумесны план мерапрыемстваў у галіне маладзёжнай палітыкі прадугледжвае арганізацыю міжнароднага форуму спецыялістаў па працы з моладдзю «Маладзёжнае супрацоўніцтва», тэлемост «Узаемадзеянне моладзі Беларусі і Індыі», міжнародны форум сельскай моладзі, удзел маладзёжнай дэлегацыі Індыі ў мерапрыемствах у рамках свята «Маладзёжная сталіца» у нашай краіне.
Ілья КРЫЖЭВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
