22 Чэрвень, пятніца

Вы тут

У старажытным Нясвіжы распачалася новая праваслаўная традыцыя


У мінулую нядзелю прайшоў хросны ход у гонар Абраза Багародзіцы Адзігітрыі.


Пятнаццатага кастрычніка Праваслаўная Царква адзначае день Афонскага абраза Божай Маці Адзігітрыі Ксенафонцкая. Копія гэтага абраза нядаўна была прывезена з грэчаскага манастыра на Святой гары Афон і ахвяравана нясвіжскаму прыходу Сабора Беларускіх святых. Цяпер гэты абраз можна ўбачыць у капліцы Святой Праведнай Сафіі Слуцкай, а таксама  паўдзельнічаць у хросных шэсцях.

Пасля  ранішняга нядзельнага набажэнства пад кіраўніцтвам пратарыея  Алега Абрамовіча, прыхаджане выправіліся ў запланаванае паломніцтва з абразамі і духоўнымі песнапеніямі. Прайшлі пад старажытнай Слуцкай брамай – помнікам беларускага дойлідства, завіталі ў драўляную Свята-Георгіеўскую царкву і адслужылі там непрацяглую літургію, прайшлі праз палаца-паркавы комплекс, пракрочылі каля сцен новазбудаванага храма ў гонар Ушэсця.

— Мы прайшлі амаль шэсць кіламетраў па пяці вуліцах горада, мінулі адну прыгарадную вёску Заазер’я і адзін пасёлак Ганусава, — расказаў айцец Алег Абрамовіч. — Хоць у шэсці бралі ўдзел некаторыя людзі пажылых гадоў, але ўсе вытрымалі нялёгкую дарогу гэтай духоўнай экспедыцыі.

Святар запэўніў, што праз год працэсія з афонскім абразом нанова здейсніць хросны ход.

Анатоль Кляшчук, фота аўтара

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.

Грамадства

Астравец: як будуецца горад энергетыкаў

Астравец: як будуецца горад энергетыкаў

Пуск першага энергаблока Беларускай АЭС плануецца на канец 2019 года.

Грамадства

Што могуць рэгіёны?

Што могуць рэгіёны?

Савет Рэспублікі працягвае выязныя пасяджэнні ў абласцях. Парламентарыі наведалі Гродзеншчыну.

Грамадства

Ад педагога залежыць, як «будзе гучаць мелодыя»

Ад педагога залежыць, як «будзе гучаць мелодыя»

Медыяпраект «Мая малая Радзіма, або Чаму я стаў педагогам?» запусцілі ў БДПУ.