Вы тут

У краіне стартавала спецыяльнае комплекснае мерапрыемства "Пасажыр"


На тэрыторыі Беларусі па 21 кастрычніка праводзіцца спецыяльнае комплекснае мерапрыемства "Пасажыр", асноўнай мэтай якога з'яўляецца прафілактыка крадзяжоў асабістай маёмасці пасажыраў і забеспячэнне правапарадку ў цягніках міжнародных і міжрэгіянальных зносін.


Як паведаміла інспектар прафілактыкі Мінскага аддзела ўнутраных спраў на транспарце Аксана Ульчыц, з пачатку гэтага года на тэрыторыі абслугоўвання Мінскага АУС на транспарце ў рухомых саставах здзейснена 33 крымінальных дзеі, з якіх шэсць — у цягніках міжнародных і міжрэгіянальных зносін (летась — 17). Асноўным відам злачынстваў па-ранейшаму з'яўляюцца крадзяжы.

Таму праваахоўнікі нагадваюць, што ў шляху руху цягніка дакументы, грошы, мабільныя тэлефоны, іншыя каштоўнасці неабходна захоўваць толькі пры сабе, не пакідаць без нагляду на століках, у кішэнях верхняга адзення.

Сумкі, валізкі і іншыя буйнагабарытныя рэчы кладзіце ў скрыню або на багажныя паліцы. Перыядычна правярайце іх наяўнасць, а, выходзячы з вагона або купэ, не пакідайце без нагляду.

Калі вы вязеце з сабой буйную суму грошай, не варта дэманстраваць змесціва кашалька каля білетных кас, у вакзальным рэстаране або ў вагоне.

Насцярожана трэба ставіцца да прапаноў спадарожнікаў распіць спіртныя напоі, а таксама тых, хто звярнуўся да вас з просьбай скарыстацца мабільным тэлефонам.

Не варта ўжываць перад паездкай алкаголь. Пад яго ўздзеяннем вы рызыкуеце заснуць у вагоне, і тады ваша маёмасць можа стаць лёгкай здабычай злачынцаў.

Калі ў адносінах да вас здзейснена злачынства або вы сталі відавочцам яго здзяйснення, неадкладна паведаміце аб тым, што здарылася, правадніку вагона альбо па тэлефоне 102.

Памятаеце, што своечасовы зварот па дапамогу дазволіць хутка затрымаць зламысніка і аднавіць вашы законныя правы.

Сяргей РАСОЛЬКА

Дадаць каментар

Выбар рэдакцыі

Грамадства

Піратэхнічны выраб — гэта фактычна тое ж выбуховае рэчыва

Піратэхнічны выраб — гэта фактычна тое ж выбуховае рэчыва

«Звязда» пагутарыла з афіцыйным прадстаўніком МНС Віталем НАВІЦКІМ.

Эканоміка

Як найбліжэйшая пяцігодка зменіць сельскагаспадарчую галіну?

Як найбліжэйшая пяцігодка зменіць сельскагаспадарчую галіну?

Гэта адна з найбольш важных даходных пазіцый для бюджэту.

Грамадства

Уладзімір Краўцоў пра тое, як будзе развівацца Гродзенская вобласць

Уладзімір Краўцоў пра тое, як будзе развівацца Гродзенская вобласць

Кіраўнік Гродзенскай вобласці — аб розніцы паміж усходам і захадам, паразуменні фермераў і буйных агракомплексаў, спосабах прыцягнення турыстаў і прыватнай ініцыятыве ў рэстаўрацыі будынкаў.

Грамадства

Смеццевы калапc: рэальная пагроза?

Смеццевы калапc: рэальная пагроза?

Як у нашай краіне вырашаецца праблема з утварэннем і ўтылізацыяй адходаў.