Вы тут

Аляксандр Лукашэнка правёў сустрэчу з Сяргеем Нарышкіным


Прэзідэнт Беларусі Аляксандр Лукашэнка правёў сустрэчу з Сяргеем Нарышкіным, дырэктарам Службы знешняй разведкі Расійскай Федэрацыі.

Беларускі лідар прыгадаў, што з Сяргеем Нарышкіным яны нямала працавалі над стварэннем і ўмацаваннем Саюзнай дзяржавы. Асабліва калі той займаў пасаду старшыні Дзяржаўнай Думы Федэральнага сходу Расійскай Федэрацыі.


Фота: БЕЛТА

— Вы з'яўляецеся заўзятым прыхільнікам гэтай формы існавання нашых брацкіх дзяржаў, — адзначыў Аляксандр Лукашэнка. — Я гэта вельмі цаню. І самае галоўнае — наколькі дэпутаты вашы, якія прыязджалі на саміты, былі адданыя гэтай ідэі. Для мяне гэта вельмі важна.

Цяпер Сяргей Нарышкін узначальвае іншую структуру.

— Вельмі важную, хаваць тут няма чаго, — падкрэсліў кіраўнік беларускай дзяржавы. — Мы ў самым шчыльным кантакце працуем. Я інфармаваны пастаянна па ўсіх гэтых пытаннях. Я таксама вам удзячны за супрацоўніцтва нашых разведслужбаў па абароне нашых інтарэсаў. Мы абараняем інтарэсы нашых дзяржаў і нашых народаў — як і ўсе спецыяльныя службы ў любой дзяржаве.

Так ці інакш, адзначыў Прэзідэнт, ёсць пэўныя пытанні — пытанні каардынацыі, узгаднення нейкіх кірункаў работы па абароне інтарэсаў абедзвюх дзяржаў.

— Сёння ў нас ёсць магчымасць абмеркаваць гэтыя праблемы, — канстатаваў Прэзідэнт.

Надзея ЮШКЕВІЧ

yushkevich@zviazda.by

У тэму

Сяргей Нарышкін, дырэктар Службы знешняй разведкі Расійскай Федэрацыі, па выніках сустрэчы звярнуў увагу, што яў гэты ж самы дзень у Мінску праходзіла сумеснае пасяджэнне калегій КДБ Беларусі і Службы знешняй разведкі Расіі. Гэта, адзначыў ён, унікальны фармат узаемадзеяння спецслужбаў дзвюх дзяржаў. Такога органа ў Расіі няма ні з адной іншай краінай, запэўніў Сяргей Нарышкін.

— І Аляксандр Рыгоравіч Лукашэнка, і Уладзімір Уладзіміравіч Пуцін падтрымліваюць самае цеснае супрацоўніцтва дзвюх спецслужбаў і зразумела, чаму, — падкрэсліў дырэктар Службы знешняй разведкі Расіі. — Перад нашымі дзвюма краінамі агульныя пагрозы: міжнародны тэрарызм, кіберзлачыннасць, інфармацыйныя пагрозы, неправавы санкцыйны рэжым. Пераадольваць гэта разам лягчэй.

Гаворачы пра знешнія ўмовы вакол Саюзнай дзяржавы, Сяргей Нарышкін адзначыў, што абстаноўка «вельмі цікавая і дынамічная»:

— Сітуацыя не вельмі простая. Гэта абавязвае нас яшчэ больш шчыльна працаваць разам, дабівацца тых мэт, якія стаяць перад нашымі краінамі.

Загаловак у газеце: Абарона агульных інтарэсаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».