19 Чэрвень, аўторак

Вы тут

Прэзідэнт правёў нараду з прадстаўнікамі сілавых структур


Прэзідэнт Беларусі Аляксандр Лукашэнка разгледзеў шэраг крымінальных спраў, якія знаходзяцца ў яго на кантролі. Пра гэта паведамілі ў прэс-службе кіраўніка дзяржавы.


Акрамя таго, былі разгледжаны аператыўна-следчыя матэрыялы ў дачыненні да работы кіраўнікоў рэспубліканскага і мясцовага ўзроўняў, а таксама супрацьпраўных дзеянняў асобных супрацоўнікаў праваахоўных органаў і сілавых структур.

«Сёння я хацеў бы пагаварыць і абмеркаваць у гэтым складзе праблемы асобных правапарушэнняў у нашай краіне. У тым ліку і на самым высокім узроўні, у тым ліку звязаных з карупцыйнымі праявамі. І, перш чым прымаць нейкія рашэнні, я хацеў бы пачуць пра гэтыя праблемы і адказы на пытанні датычна гэтых праблем з боку нават некаторых прысутных тут. Я проста абяцаў у свой час, што ў такім складзе мы сустрэнемся, каб не было рознага роду пагалосак і выдумак. І, яшчэ раз падкрэсліваю, перш чым прымаць рашэнне, я гатовы выслухаць пазіцыю, калі трэба, кожнага», — сказаў Аляксандр Лукашэнка, адкрываючы нараду.

Кіраўніком дзяржавы быў прыняты шэраг кадравых рашэнняў, у тым ліку датычных Аператыўна-аналітычнага цэнтра (ААЦ). У сувязі з прэтэнзіямі да іх работы з боку камісіі, створанай па даручэнні Прэзідэнта, якая вывучала дзейнасць ААЦ, кіраўніком дзяржавы прынята рашэнне аб часовым адхіленні ад займаемых пасад некаторых кіраўнікоў і супрацоўнікаў Аператыўна-аналітычнага цэнтра да заканчэння расследавання фактаў, прадстаўленых Прэзідэнту.

На нарадзе таксама абмяркоўвалася сітуацыя вакол гібелі салдата ў Печах. Гэтая тэма знаходзіцца на жорсткім кантролі ў кіраўніка дзяржавы. Адказным асобам даручана разабрацца ў сітуацыі самым пільным чынам, вывучыць яе да дробязяў і прадставіць аб'ектыўны вынік. Аляксандру Лукашэнку літаральна па некалькі разоў на дзень дакладваецца аб ходзе аператыўных мерапрыемстваў. Падкрэслена, што жорсткая пазіцыя Прэзідэнта заключаецца ў непазбежнасці надыходу адказнасці для вінаватых.

Надзея ЮШКЕВІЧ

yushkevich@zviazda.by

Загаловак у газеце: Ад адказнасці ніхто не ўцячэ

Дадаць каментар

Выбар рэдакцыі

Грамадства

Калі адукацыя «захрасне» ва ўчарашнім дні, лічбавае грамадства не свеціць

Калі адукацыя «захрасне» ва ўчарашнім дні, лічбавае грамадства не свеціць

Лічбавая трансфармацыя — не мода і не часовая з'ява.