У панядзелак беларуска-азербайджанскія адносіны ўжо разглядаліся ў Палацы Незалежнасці. Праўда, у разрэзе ваенна-тэхнічнага супрацоўніцтва. Учора на сустрэчы Прэзідэнта Беларусі Аляксандра Лукашэнкі са старшынёй Мілі Меджліса (парламента) Азербайджанскай Рэспублікі Актаем Асадавым абмяркоўвалася перш за ўсё палітычнае ўзаемадзеянне.
Прэзідэнт Беларусі прызнаўся, што парламенцкая тэма для яго актуальная, асабліва ў кантэксце пытанняў, што абмяркоўваліся на гэтым тыдні прэзідэнтамі краін-удзельніц СНД.
— Паколькі ў СМІ па-рознаму інтэрпрэтуюць маё выказванне наконт Міжпарламенцкай асамблеі СНД, — растлумачыў ён. — Нібыта беларусы за тое, каб яе разагнаць, хоць мы былі ініцыятарамі ўзмацнення ролі Парламенцкай асамблеі СНД — значыць, дэпутатаў. А калі яна будзе так працаваць, як зараз: ну, нешта абмяркоўваюць... Гэта добра, але павінен быць эфект ад гэтага. Думаю, што калі мы пакідаем гэта парламенцкае вымярэнне ў СНД, значыць, мы павінны ўзмацніць Міжпарламенцкую асамблею.
На думку беларускага лідара, МПА СНД павінна мець такое вымярэнне, як кантроль за прынятымі рашэннямі кіраўнікоў дзяржаў і ўрадаў.
— У нас гэтага не хапае. І ў гэтым плане ўзнікае неабходнасць больш цеснага кантакту з ведамствамі, у даным выпадку — СНД. Чаму таму ці іншаму міністру, ці кіраўніку савета міністраў замежных спраў, абароны, дзяржбяспекі не прыйсці і не далажыць дэпутатам, як будзем дзейнічаць, асноўныя пагрозы і як выконваюцца тыя рашэнні, якія прыняты.
Аляксандр Лукашэнка прызнаўся, што ён вельмі прыслухоўваецца да таго, што кажуць кіраўнікі парламентаў, парламентарыі, і ведае, што яго калега — Прэзідэнт Азербайджана — у гэтым плане абсалютна дэмакратычны чалавек і заўсёды прыслухоўваецца да меркавання парламентарыяў.
— Проста трэба рабіць гэта спакойна, — лічыць Прэзідэнт. — Без боек, без патасовак у парламенце, без усялякіх дэманстрацый, якіх людзі не прымаюць — і ў нас, і ў вас. Мы ўжо гэта прайшлі ў нейкай меры.
Нашы краіны цалкам давяраюць адна адной. Так, у Азербайджане ствараюцца сумесныя прадпрыемствы.
— Мы ўжо дайшлі да таго, што ўжо ствараем сумесныя прадпрыемствы і гандлюем у трэціх краінах, — звярнуў увагу Аляксандр Лукашэнка. — Мы ідзем разам з вамі далей — туды, на поўдзень, на ўсход. І мы будзем прытрымлівацца гэтай палітыкі ў эканоміцы.
Актыўна развіваецца гандаль, ваенна-тэхнічнае супрацоўніцтва.
— Мы гэта ні ад каго не хаваем, будзем старацца, каб ваша абарона была надзейная. Ведаю, што вы міралюбівы народ, і нягледзячы на праблемы ў Нагорным Карабаху, вы прытрымліваецеся цалкам мірнай пазіцыі ў гэтым плане. Таму нам, як я ўжо сказаў міністру абароны, няма ў чым апраўдвацца перад тымі ці іншымі дзяржавамі. Мы будуем нашы адносіны так, як загадвае нам наш народ — для яго дабрабыту. У гэтым плане вы на нас можаце разлічваць.
Актай Асадаў, старшыня Мілі Меджліса (парламента) Азербайджана, пагадзіўся, што краіны маюць асаблівыя адносіны. Ён звярнуў увагу, што ў яго краіне з вялікай павагай ставяцца да Беларусі і вельмі ўдзячныя за тую палітыку, якую яна праводзіць. Спікер адзначыў, што ў Азербайджане зацікаўлены яшчэ больш паглыбляць узаемадзеянне з нашай дзяржавай, асабліва ў сферах рэгіянальнага супрацоўніцтва, бізнесу, гандлю.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.