Вы тут

«Звязда» атрымала дыплом за «Сямейную газету»


У творчай скарбонцы ўзнагарод нашай газеты — папаўненне. Учора тэматычны дадатак «Сямейная газета» атрымаў дыплом Міністэрства інфармацыі «за ўсебаковае і высокапрафесійнае асвятленне сямейнай тэматыкі» ў межах конкурсу «Моцная сям'я — моцная дзяржава».


— Мне прыемна сведчыць пра тое, што ў рэспубліканскім творчым конкурсе «Моцная сям'я — моцная дзяржава», які традыцыйна праводзяць Міністэрства інфармацыі і Беларускі саюз жанчын, удзельнічаюць усё болей і болей журналістаў, — адзначыў міністр інфармацыі Беларусі Аляксандр КАРЛЮКЕВІЧ. — Сёлета мы атрымалі амаль 80 работ больш чым ад 70 сродкаў масавай інфармацыі, як рэспубліканскіх, так і рэгіянальных. Прычым, што радуе, публікацыі і выступленні ў эфіры прадстаўлены ва ўсёй палітры журналісцкіх жанраў.

Перад узнагароджваннем пераможцаў конкурсу прайшоў круглы стол на тэму «Аб павышэнні ролі СМІ ў рашэнні актуальных пытанняў паляпшэння здароўя жанчын, умацавання сямейных каштоўнасцяў, прапагандзе здаровага ладу жыцця». У межах дыскусіі былі ўзняты глыбокія пытанні. Шмат гаварылі не толькі пра фізічнае здароўе бацькоў і іх дзяцей, але і пра духоўнае. Таксама выступоўцы, сярод якіх дэпутаты, педагогі, медыкі, работнікі цэнтраў сацыяльнага абслугоўвання сям'і і дзяцей, святары, закранулі шмат праблемных момантаў. У прыватнасці, што наспела неабходнасць стварэння «бацькоўскіх універсітэтаў» і ўвядзення ўрокаў «Псіхалогія сямейных адносінаў» у школах. Пры гэтым адзначылі, што існуе вострая патрэба ў высокакваліфікаваных крызісных і сямейных псіхолагах. Выказалі заклапочанасць такімі з'явамі сучаснасці, як сужыхарства і «чайлдфры» (калі маладыя сем'і не жадаюць мець дзяцей). Паколькі набліжаецца Дзень маці, то ў цэнтры ўвагі, вядома, была жанчына. У прыватнасці, удзельнікі дыскусіі разважалі, якой павінна быць сям'я, каб жанчына была шчаслівай. І, што цікава, урэшце вывелі формулу жаночага шчасця (падрабязней пра гэта і не толькі чытайце ў найбліжэйшым нумары «Сямейнай газеты»).

Разам з тым усе выступоўцы падкрэслілі важную ролю сродкаў масавай інфармацыі ў папулярызацыі сямейных каштоўнасцяў.

— Сёння сфарміравана велізарнае праблемна-тэматычнае поле для будучых выступленняў журналістаў на старонках газет і часопісаў, у тэлерадыёэфіры, у сацыяльных сетках, — рэзюмаваў Аляксандр Карлюкевіч. — Тыя тэмы і прыклады, якія агучылі падчас круглага стала, сведчаць пра зацікаўленасць грамадства ў развіцці інстытута сям'і.

Міністр інфармацыі лічыць важным, каб СМІ і далей актыўна асвятлялі сямейную тэматыку, працягвалі гадаваць парасткі дабра, маральнасці і духоўнасці ў бацьках і іх дзецях.

Надзея ДРЫЛА

nаdzіеjа@zvіаzdа.bу

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.