Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
Гату́нак — катэгорыя якога-небудзь тавару па якасці, сорт.
Цвырку́н — насякомае, якое трэннем крылаў утварае строкат.
Дбаць — праяўляць клопаты, турбавацца пра каго-небудзь.
Цырава́ць — зашываць дзіркі
ў тканіне ці адзенні.
Мітка́ль — самая простая тонкая баваўняная тканіна.
Акані́ца — адна са створак, якімі закрываюцца знадворку вокны.
Псаваць абедню — знарок перашкаджаць каму-небудзь у ажыццяўленні чаго-небудзь. Беларускія адпаведнікі: ставіць падножку, перабягаць дарогу. Рускі: вставлять палки в колёса.
Пад пятой (знаходзіцца) — быць у поўным падпарадкаванні, у залежнасці ад некага. Беларусы яшчэ скажуць: пад абцасам, пад ботам. Рускія: в кулаке, под колпаком.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
