Вы тут

Выстаўка праваслаўных ікон адкрыецца ў БДУ


Мерапрыемства  прымеркаванае да праваслаўнага свята Пакроў Прасвятой Багародзіцы, а таксама да Дня маці. Пра асаблівасці свята і яго месца ў гісторыі нацыянальнай культуры гасцям выстаўкі раскажа прафесар БДУ Ірына Казакова. Таксама яны даведаюцца аб  легендах і фактах, звязаных з паходжаннем Мінскай цудатворнай іконы Багародзіцы і іконы Багародзіцы Жыровіцкай.


Экспазіцыя ўключае больш за 50 экспанатаў. Акрамя ікон тут можна будзе ўбачыць работы, створаныя супрацоўнікамі БДУ і выкананыя ў тэхніках вышыўкі і жывапісу. Дапоўняць выставу тэматычныя кнігі, прысвечаныя Багародзіцы, праваслаўныя крыжы, панагіі і інш.

Сапраўднай падзеяй  стане рэдкая для храмаў Беларусі ікона, экспазіцыя ладу Багародзіцы Віфлеемскай. Абраз прывезены з Іерусаліма і славіцца ўсмешкай Багародзіцы.

Выстаўка размесціцца ў корпусе БДУ па вуліцы Карла Маркса, 31. Адкрыццё 13 кастрычніка ў 12.30. Яна  будзе працаваць з 10.00 да 13.00 да 20 кастрычніка ўключна. Наведванне бясплатнае.

Арганізатарамі выставы выступілі Саюз жанчын БДУ і грамадскае аб’яднанне "Белая Русь".

Надзея НІКАЛАЕВА

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.