Фінал Х Рэспубліканскага сямейнага сельскагаспадарчага праекту адбыўся ў Глыбокім – там, дзе гэта ідэя і нарадзілася 10 гадоў таму, а потым распаўсюдзілася на ўсю краіну. Сёлета ўдзел у праекце ўзялі 478 маладых сем’яў, але ў фінале сустрэліся толькі шэсць пераможцаў абласных этапаў: сям'я Гайдук з гарадскога пасёлка Ружаны Пружанскага Брэсцкай вобласці; шматдзетная сям'я Молакавых з аграгарадка Більдзюгі Шаркаўшчынскага раёна Віцебскай вобласці, сям'я Давыдавых з аграгарадка Баршчоўка Добрушскага раёна Гомельскай вобласці; сям'я Палавеня з аграгарадка Гудзевічы Мастоўскага раёна Гродзенскай вобласці; сям'я Жэканавых з аграгарадка Александрыя Шклоўскага раёна Магілёўскай вобласці і прадстаўнікі Міншчыны – сям’я Літвіных.
Трыумфатары праекту жывуць у вёсцы Лешня Капыльскага раёну. Муж і жонка Уладзімір і Вікторыя выхоўваюць дзесяцігадовую дачку Вераніку. Вікторья працуе кіраўніком справамі Семежаўскага сельскагага выканаўчага камітэта, удзельнічае ў грамадскім жыцці раёну, з’яўляецца сакратаром участковай выбарчай камісіі. Уладзімір – арматуршчык і па сумяшчальніцтве рабочы будаўнічай брыгады. Дачка Вераніка актыўна ўдзельнічае ў школьнай самадзейнасці, у конкурсах раённага і абласнога ўзроўняў, наведвае заняткі "Школы ткачоў" у раённым Цэнтры ткацтва, займаецца ў гуртках. У сям'і моцная падсобная гаспадарка: тры парсючкі, конь і жэрабя, карова з цялушкай і трыма бычкамі, хатняя птушка.
Між іншым, сям’я Літвіных удзельнічала ў рэспубліканскім праекце ўжо ў другі раз, але летась прабіцца праз абласны этап ёй не ўдалося. Усе недахопы былі прааналізаваныя і выпраўленыя і на гэты раз у іх усё атрымалася…
А за гадзіну да фіналу завяршылася анлайн-галасаванне за сямейны відэаролік “Лепшы сельскi падворак”. Яно праходзіла ў сацыяльнай сетцы “Укантакце” у групе “Моладзь Беларусі” , а таксама на канале BRSMvideo відэахостынгу YouTube. У выніку падсумоўвання галасоў перамагла сям’я настаўнікаў Давыдавых з Гомельшчыны. Да слова, у фінале сям’я Андрэя і Таццяны Давыдавых стала другой, зусім нязначна адстаўшы ад пераможцаў.
А дыплом трэцяй ступені заваявала шматдзетная сям’я Молакавых з Віцебшчыны. Іван і Дзіяна выхоўваюць чацвярых дзяцей: 12-гадовага сыну Мікіту, васьмігадовую дачку Сафію і трохгадовых блізнятак Настассю і Ганну. Як яны самі прызналіся, слова “сям’я” азначае для іх сэнс жыцця, а асабістым рэцэптам шчаслівай сям’і яны лічаць разуменне, клопат і каханне.
Надзея НІКАЛАЕВА
Фота аўтара
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
