Супрацоўнікі аддзела крымінальнага вышуку Фрунзенскага РУУС сталіцы затрымалі 36-гадовую жанчыну, якая падазраецца ў здзяйсненні крадзяжу двух дзіцячых арэляў са двара па вуліцы Школьнай.
У міліцыю звярнуўся мужчына, які паведаміў, што, выходзячы ранкам з пад'езда на работу, не знайшоў у двары дома двух дзіцячых арэляў. Апошнія ён набыў за ўласныя грошы для добраўпарадкавання тэрыторыі. Праваахоўнікі ўстанавілі, што арэлі былі скрадзены каля апоўначы, а падазраваная ў здзяйсненні злачынства — 36-гадовая непрацоўная мінчанка, якая раней ужо прыцягвалася да крымінальнай адказнасці. Далёка знесці жалезныя арэлі ёй не ўдалося, таму дапамагчы ў гэтай справе яна папрасіла свайго знаёмага. Пасля жанчына здала іх на металалом, а атрыманыя грошы патраціла на свае патрэбы. Гараджанцы пагражае да трох гадоў пазбаўлення волі.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
